YEHEZKIEL 24:3 - ALLAH NIHYET MEM TUNGWATU NYA

³ Da di tuhan Ditde nihyet nibiti nindati gom mem gima atri tut bak Ditde limwa nya di yaham imbuk kep Da kikau nya pai bipia, Akiber minyei ei yeng brekti leu api akes tut ei humti.

YEHEZKIEL 24:3 ပူးပေါင်းရင်းမြစ်များ

NIBOU NDIG NYA GI NICAN 4:38

Mpe di gom ne ninggum di buhun kieng kep minu dima hagom. Gima rino Elisa ngkwei hanyen kwei ei Gilgal. Tirigi noni ngginau nimpung nabi nya gom lene cuk nide awak ba, ug yai yeng di nindig bingei njita mem nimpung nabi dima igyem.

MAZMUR 78:2

Dindat kep nihyet nipingok tungwatu nyati kin nihyet nibiti nindati ba, dibimbot kep mimun tut nijam gi nipou.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 29:2

Leu api Allah miba mun di buhun bibor bihwen minu ndig dima apino tungwatu nya minso tut niwei ba, yahara nidut cem. Minu ndig titut midem kep nok nimbar hum dok di mun nggrom silipti a.

YESAYA 30:1

tuhan pai “Mun di buhun bibor micut igkep yo di inyeng tak kep timiei Yehuda nya lewo yaham imbuk kep Da. Ibit ingon kanti nya di noyam kin dingon kanti mem yok bi. Yoni kin ngkiai nya ipreu kep yam njiriek dingon kanti mem yok. Tug hon nisinati dima ne ikum ei ide sisar nimangti.

YESAYA 30:9

Yoni ne mben di yaham imbuk kep Allah. Ingon mang ba, ikou sut gi imiap kep nipingok yokti cem kikau ri.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YEREMIA 1:13

tuhan hig ser da mbigom kin bu “Angat mindei bu i?” Dibuhup “Dingat yeng di kiak ei nite bei mpia nijjai lo, mbigom kin bu ne yeng dima mitti ba, nirai com gau kwei ndam da.”

YEREMIA 1:14

tuhan pai bida “Nirai dima bindo tut mun di buhun di mikwei leu nite bei mpia nijjai dima bindei sar timiei minu dini yahagom ri.

YEHEZKIEL 11:11

Ba, mijibong kei jigwam kei ei minu ndig dini ba, jidem kep mikwau nghui di jo ei yeng dihyei pimati bi. Miduhuk je bidikes hukum ei je dip ei mpia di jingat rin eisi ei minu Israel.

YEHEZKIEL 11:3

Yoni ipai “Jei bi ne niwin ig dini yok hanyen bu. Minu ndig dini nok yeng dihyei di iba igtuyap bibon ba, nyeni inok mikwau nghui di jo ninsi a. Nyeni mibong kei migwam kei lewo yeng dihyei dima mingkiem ser nye leu hum di cig-cai yo.”

YEHEZKIEL 11:7

Gima rino Da di tuhan Di Dinyeng Jei Bibor dipai bije bipia ningat ne minu ndig dini ne yeng dihyei pima rin lo, mikwau nghui di jo ninsi ne jeni rin bi. Noro yo di jiyai nimai biyok nya ingut rino joti a! Midicom je leu minu ndig dini!

YEHEZKIEL 12:2

“Na di tungwatu di ayaijo kikau bi e, abong ei yo di yaham imbuk kep Allah tu nya ikieti. Ibon igyai noro igingat mpia bi. Ibon itingou noro igimiap mun cem bi. Lewo yaham imbuk kep Da kikau.

YEHEZKIEL 12:25

Da di tuhan Di Dinyeng Jei Bibor dimbrap bit mben Israel bu ba, mun di dipai nya hagom micut igkep yok ba, miditum dingon tut gima bu bi. Je di nimpung naham nimbuk kep Allah e, ma jingig jitingou mem! Dibindei mbut mun nyeng hagom di disok kep je tut nya mem nijam di jiyaijo yo dini. Da di tuhan Di Dinyeng Jei Bibor disimbot dat tu.”

YEHEZKIEL 17:12

“Ahig ser naham nimbuk kep Allahti di nijit cig dima yok bipia ingon huk niti tut nihyet nibiti nindati dima e? Apai biyok bipia nibou ndig minu Babel kwei ei minu ndig Yerusalem bikat nibou ndig Yehuda bitut yo di igya kui noni di ibong ei minu ndig dima yahagom buug sut ug ei minu Babel tu.

YEHEZKIEL 17:2

“Na di tungwatu di ayaijo kikau bi e, ma apui sut nihyet nibiti nindati,

YEHEZKIEL 2:2

Hammi tirigi nihyet dima tibim ei ditingou nsi rino Allah Ninnei coi kwei ei dingonti bibindei ba, dikiju bidiya pijum. Leu api dimiap nihyet dima pai bida bu,

YEHEZKIEL 2:3

“Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su.

YEHEZKIEL 2:5

Mpaba ingig itingou mem ahyet e, he bi e, dikan tut bi. Noro gi bon ninyeng rino suar ikan tut bipia nabi gom no rinaha ei ikieti.

YEHEZKIEL 2:6

Na di tungwatu di ayaijo kikau bi e, ma attin tut yo di ingkek ndok dima yok kin ighyet au. Mbro nok gino isrep tut bingwes om kep na ba, gima noyam kin gino abong bit amai nggre nya lo, ma attin tut yok au.

YEHEZKIEL 2:8

Na di tungwatu di ayaijo kikau bi e, ma ayok ngon kep dihyet lene ma aham ambuk kep Dani au. Noro ma ahap aji ba, ayem mun di diyai bina hak.”

YEHEZKIEL 20:49

Noro da di Yehezkiel dindo dingon buhunti bidipai “tuhan Di Ninyeng Jei Bibor e, ma acuk da biditri tut nihyet dima au! Yahagom inso-nso nyen tut da drek dip gi diba nihyet nibiti nindati he bitri tut nihyet apino nggruk bibor mem gima ingon huk niti a.”

YEHEZKIEL 24:6

tuhan Di Ninyeng Jei Bibor pai “Buhun bibor mem minu ndig di mpung tut niyai nimai bak tungwatuti dima! Minu ndig dima dem kep yeng brek di prap yem di ipiap cem bigyo. Ibindei hei mikwau nghui di jo niti gom-gom leu ninsi kikau ba, niken hi jo ninsi bi kep.

YEHEZKIEL 3:9

Midibindei ba, angon nddong kei noyam kin tig ba, anggwes bibor noyam kin tig permata intan cem. Ma adigit tut yo di yaham imbuk kep Da dima au.”

MIKHA 2:4

Mpe dima lene tungwatu nya mipai singgre je lewo jinok bindo tut mun di buhun di cut igkep tungwatu nya. Iba doia bikiek mun di buhun di cut igkep je bipai, ‘tuhan pos nyende minu dini bingwig leu nye biyai bak siceu di ikat nye. Nyeni nitimek biningwig hak tu.’ ”

MARKUS 12:12

Gima rino mben Yahudi ide nibou nya ipi bikat Yesus lewo ikan tut bipia nihyet nibiti nindati dima pai singgre yoni. Noro ittin tut tungwatu ningot ndig dima ba, ikes Noni biyuug leu.

LUKAS 8:10

Noni buhup “Allah mbot kep mimun tut ninyeng tak kepti bije noro mbot kep mimun dima bak nindigsi tug hon nihyet nibiti nindati he. Leu binhyepo mbro nok gino imian ser lo, ingat bi ba, mbro nok gino ingig itingou mem nihyet lo, imiap bi.”

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!