YEHEZKIEL 23:41 - ALLAH NIHYET MEM TUNGWATU NYA

⁴¹ Leu api igwam ei bilen nibongti di kei-kau. Meja di mpung tut njita di itin ei su nya jo yoho bei a. Njita dima yok bitut biei nggrai di ui-gwang kei kin mini zaitun di diyai biyok tu nya cem ri.

YEHEZKIEL 23:41 ပူးပေါင်းရင်းမြစ်များ

ESTER 1:6

Nide awak nya igyai minghas mbrawin di iba minghas linen bibon di bon nisieng nidri kin nitiei ba, ibimau mpia di jo bas hak di iba ngug tig bikrop ttai ei ig him di nibou ndig de. Leu api iba nikuk minghas linen di bon nisieng nghei nta bingot ba, ibisrou srak di iba perak bibon di ipek kin cou di iba tig marmer bibon nya. Leu api iba mas kin perak bibon bilen di nggriu-nggrop kei nijei nya ba, ikon bikes ei minghas mbrawin pima nibehei ei igjou dip di iba tig marmer nitiei kin tig hablur ningwoi kin tig permata gewang di jimjit kei kin tig pirus nidri bimau dima hagom dip.

AMOS 6:4

Buhun bibor mem je dino jibong kei jigwam kei ei jibongti di kei bibor kei bijiyem sapi kin domba nimien ninghui nindig bibor!

YEHEZKIEL 44:16

Yongkom he rino icoi kwei ei Ditde Ig bigyai midyai mem Da ei Ditde nimbar hum dok bibie tut yo di ikuk yok biDa ei Ditde Ig a.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YESAYA 65:11

Noro mun dima mipek kep mem yo di iba inghim biDa kin yo di iba igyai ngat Ditde nungug Sion di kwes-kwau kin yo di ipwoi mun di ibikuk yo bak kwar Gad Meni nya di bindei di itug ndei mun di kei ba, bindo mun di pek kep mem igyaijoti cem biyok bi.

YESAYA 57:7

Jikui ug ei nungug ninggram him nya mem gima jibon midut nindig mindhe-ndhe ei nimbar hum dokti bijijou yam ei sirima bit leu jingut priti.

MALEAKHI 1:7

Jiba njita di kinei bibon midut njita nibipai sigyo bak Allahti ei Ditde nimbar hum dokti. Jiyai nok gima lo, jihig ser Da ‘Nikuk nye biNa haigtu bi notou i?’ Jibindei ba, map kui nimbar hum dokti.

AMOS 2:8

Tungwatu nya ibong tut sinsun di ipos leu yo di yuhui mbum nya bidem ig mbusyameisi nya nok mun di bindo bipia yo dima mirop ide ningwam biyok bidem ig. Lene idut ba anggur ngei di ipos leu yo di ikum ide ningwam biyok bigyo nya ei Allah De Ig cem.

SAMUEL GI NIGOM 28:23

Noro Saul kou sut bipai “Midiyem njita bi!” Noro yo di igya kui noni ibidip huk noni tut. Leu api noni ce bikiju leu dihyeisi lene gwam nyahan ei nibongti.

YEHEZKIEL 41:22

Nanaisi dem meter gom biniken lene ninyanti dem meter gom. Iba biei bibon nuhuisi kin nikiou kin nitta nya. No dima pai bida, “Gini ne meja di jo ei tuhan Noho bei di bindo bipia Noni ningat rin ei mpia dini.”

YEHEZKIEL 6:13

Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.