YEHEZKIEL 22:9 - ALLAH NIHYET MEM TUNGWATU NYA

⁹ Ade limwa nya bihi iris mun ei hiterti leu binhyepo ibindei ba, itug ndei nimai hak ug. Lene bihi ijoi sut igyem mikwau di ibui di ibikuk yok bak kwar nya ba, bihi bu ibrim ingkek tut nikrar kep sopti nya.

YEHEZKIEL 22:9 ပူးပေါင်းရင်းမြစ်များ

MAZMUR 101:5

Midibindei sar yo di yahamui nyahan bikin kep hiter ninghapti ba, midiba diyai ngat yo di ikon yonti inyeng kin yo di ingon llei-lau bi.

MAZMUR 106:28

Niabiati bu lene Allah de limwa nya ikuk yok bak kwar Baal-Peor bigyem mikwau di ibikuk yok bak kwar nya cem.

MAZMUR 50:20

Jitindei ser nituti tirigi jiris mun ei jide adig-ajoi nya dip bijipai yok kinei-kinau cem.

NEHEI LEUSI 20:16

Harin dima jiris mun ei yo di hiter nya dip a.

NEHEI LEUSI 23:1

“Ma jitri tut nihyet hou ba, jahati tut no di ningon mui tug hon gi joom ser mem noni au.

NIPINGOK NINGONTI 10:18

No di ku nigga biborti ne no di ris kep mun igkei ri. No di ttei mumpui ei tungwatu nyati di bibon inyeng kinei ne ningon mbum.

NIPINGOK NINGONTI 18:8

Nittei mumpui ei yamti noyam kin mikwau di ngge kei ba, tungwatu nya ijoi sut gi ipinde.

NIPINGOK NINGONTI 26:22

Nittei mumpui ei yamti noyam kin mikwau di ngge kei ba, tungwatu nya illei sut gi ipinde.

YEREMIA 6:28

Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.

YEREMIA 9:4

Suar bikwop tungwatu nya ingon sok kep yonti tut isut bat nya. Gi mbun adig-ajoi ningat-ngat nya cem iba ingon com yam kan bi. Lewo idem kep Yakub ba, bikwop yahagom iris bak ide adig-ajoi nya. Bikwop tungwatu nya ibindei hi ninyeng kinei ba, iris mun cem.

YEHEZKIEL 11:6

Jiyai nimai bak yo di imang bibor ei minu ndig dini tu apino puig hagom mpung tut nimbiam ngut a.

YEHEZKIEL 16:43

Dikes hukum ei na dip lewo agiyok ngon kep mpe di po apilei yo po dingondut na pima bi. Abindei ba, digga na tut ade nibon munti di kinei bibor nya. Nggon rino akum ei ade nibon munti nya di bindei di igyai ttin ningat dima yok bu tug hon ade niyem njita tut hiter nijjep i? Da di tuhan Di Dinyeng Jei Bibor disimbot dat tu.”

YEHEZKIEL 18:11

di nicig yai kep bi sren ba, noni yem mikwau tug hon midut ei mpia di tungwatu nya ikuk yok bak kwar nya eisi bicut tut hiter nitnem cem,

YEHEZKIEL 18:15

Noro kuk no bak mben Israel ide kwar di ibon bou inda him cem bi. Yem mikwau tug hon midut ei mpia di yo dima ikuk yok bak ide kwar nya eisi cem bi bicut tut hiter nitnem cem bi,

YEHEZKIEL 18:6

kuk no bak mben Israel ide kwar di ibon bou inda him biyem mikwau tug hon midut ei mpia di yo dima ikuk yok bak ide kwar nya eisi bi bicut tut hiter nitnem bi biyem njita tut sop di ningwak ntui bi ba,

YEHEZKIEL 23:29

Yoni mipos mun di acom amuhup tut nya hagom leu na drek dip ingon di kinei sut na. Agwam tut ajou hangwangti hak nok sop krar ba, yahagom isum igyai ei nati bingat na. Ade nikrar kepti kin ade nicut tut yamti ribindei dino,

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

HOSEA 4:10

Mbro nok gino jiyem mikwau di jiyai leu mindhe-ndhe di jindig ei nimbar hum dokti lo, jinggum kikau. Mbro nok gino jikuk je bak kwar di jikan bipia bindei ba, jitnem bat nya inghop lo, yoni ipijet. Gima hagom nok lewo jikiek joho leu Da ba, jiba joho rok nung nya.”

HOSEA 4:14

Noro midikes hukum ei yok dip drek dip igyai munti nya dima bi lewo jeni cem jihig jisut bit sop di nibou buwei di igyai kep midyai dini ei ig nung nibousi nya. Leu api jindig mindhe-ndhe bak kwar nya ei nimbar hum dokti bit yok. ‘Mben di ingon hukti tut Allah bi misar bingwig.’ Nihyet nibiti ninda dini igbit ri.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

HOSEA 7:4

Yahagom yuhum yam nsi mem yok lene ingon gom tut yok cem bi. Ide ningon di kinei sut hiterti dem kep hum di nikang roti cig miep binjeng bigyo bibou kioi roti bidwoi mem gima non ei niti ug e ba, gi jo ne hum priot di mbom he.

IMAM NYA IDE MIDYAI 19:16

Harin dima jiba jimbuk bikkin kep nindigsi nya inghapti a. Leu binhyepo gino bon nituti lene ma jimbrap gau no di ya nikei noho bei ser nhyepo noni tug ndei hukum nimai bi. Dani ne tuhan ri.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 26:59

Lene imam nindig nya bitut Nikei Puig Yahudi nya yahagom inggok tungwatu nya di imbres kep Yesus bikkin kep ninghapti leu binhyepo nibou nya ijem nimai gau Noni drek dip.

KISAH 24:13

Bit bon yo dini indo mun di bindo tut ide nipai kep dati dima ei na di Andigpoi ahobei kan bi.

KISAH 24:5

Jo nibreisi mem nye bipia no dini ne no di mbuk di nggek tut nibong kei nigwam keisi ri. Noni rino bindei di mben Yahudi ighyet srou kui yam bidem dihyeisi dini hagom. Ba, noni ne nibou gom mem nimpung Nazaret ri.

NIJAM NIKEI NYA 20:6

Apino diyai ningut di didigo kukiau lene dipinak ninggriet gom-gom bidem ide keret mben Israel simnaibrimigcan bikwop keret gom-gom. Diyai nok gima lewo mben Gibea dima ibon mun nyeng di kinei bibor ei nyeni ikieti ba, ibinim kep nye di mben Israel.

SAMUEL GI NIGOM 24:10

bipai binoni “Nggon rino na di Andigpoi aba angon com yo di itri tut bipia midimbuk tut na ighyet i?