YEHEZKIEL 22:4 - ALLAH NIHYET MEM TUNGWATU NYA

⁴ Ade niyaijoti mingwig hon didiyam. Ba, angon mui drek dip gi ayai nimai bak timiei nya tu ba, map kui jeti tug hon kwar di jibon bou jinda him. Gima rino disindui sut na ba, anok mun di ngkiai nya kin ide minu nya yahagom ikig bipa ndip nyen cem.

YEHEZKIEL 22:4 ပူးပေါင်းရင်းမြစ်များ

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

YEHEZKIEL 22:2

“Na di tungwatu di ayaijo kikau bi e, atin ei mem gima agwam nok nikei mem minu ndig di mpung tut nihwen mun cig dima tu e? Ma ando nide nibon munti di igyai kou ningat nya bak.”

YEHEZKIEL 16:57

ade nibon munti di kinei jo nibreisi ba, hi kan tut bigyo. Noro tini bu ne nani cem noyam kin noni. Mben Edom kin Filistin kin yo di ibong dideu na nindigsi di ingon kinei sut na nya ipa ndip na nyen.

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

YEHEZKIEL 21:28

“Na di tungwatu di ayaijo kikau bi e, ma atri tut mun di mipek kep ei nidipti bu! Apai bak mben Amon di ighyet wer mpiahi tut mben Israel bipia Da di tuhan Di Dinyeng Jei dipai ‘Singau simeda nipup gom jo mem niyai nimai bak tungwatu nya. Hi sien singau simeda dima binjeng-jau nok kigyei di ninjeng srei leu binhyepo biyai nimai bak tungwatu nya.

YEREMIA 44:8

Nggon rino jibon kep mun di bibon diggati nya i? Jikwei bong ei minu Mesir di jingkiaisi leu api jikuk je bak kwar nya hanyen bu. Jibon midut nindig mindhe-ndhe ei humti ba, jibikuk je bak timiei minu dini ide kwar nya! Nggon rima jibindei timek jenti bijibindei ba, ngkiai nya yahagom ighyet kinei sut je ba, iba jinyeng bisigion yam i?

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 18:16

Yoni ibimangkrei minu dini bibindei ba, tungwatu nya igyai ngkek ttin ser ba, ingon mpo tut. Yo di injiriek mpia dini mikit ibou leu ba, minga leu sut lewo ingon buhun tut.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

NIBOHON MBEN ISRAEL GI NICAN 7:20

lene mporo dibindei hei je leu minu dini di dikes bije tu. Lene midikes Ig di ditak buk kep nok gumihyep nikuk no biDa eisi dini ei bidimbut leu. Leu api tungwatu nya bidem minu miba ighyet bicig ig dini bipa tut cem.

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NINDAT KEP TUHAN NICUKTI NYA 29:24

Lene tungwatu dihyeisi dini hagom mihig ser yam ‘Nggon rino tuhan yai nok gima tut yo ide minu dima i? Mindei ribindei di Noni gga bibor nok gima i?’

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.

MBEN ISRAEL IMBUT-MBUT NYEN 32:14

Lene nogindini jeni cem jingkek nddok nok jicig bat nya! Jeni ne nimpung nibon sisar rin ba, jibinduk tuhan nigga biborti kep mben Israel hanyen bu!

IMAM NYA IDE MIDYAI 26:32

Midibindei sar jide minu nisurti-nipekti hak apino jide siceu di ipos jide minu dima bigyati inga leu sut nisarti.

YEHEZKIEL 23:7

Ohola ya kin pinjoi ndig dima yok ba, ningon pri kep yok bibor. Gima bindei bimap kui noti tug hon gi kuk no bak ide kwar nya.

YEHEZKIEL 23:32

tuhan Di Ninyeng Jei Bibor pai “Suar apinde mun di jo ei akindig nide mok nsi hak. Mok dima nindig ba, jut cem. Mok nsi dima mpung tut tungwatu nya yahagom ide niba nihyet bicig nati kin nipa tut nati ba, suar abiang nibuhunti.

YEHEZKIEL 24:7

Niyai nimai bak tungwatuti jo kep minu ndig dima. Noro nimbiam ninggrom di ikiber kiber ug ei dihyeiti bi. Nimbiam nggrom siber ug ei tig di ngkiem dip ba, bit bon itig dihyei binjei kep kan bi.

YEHEZKIEL 24:8

Disindui sut nimbiam nggrom dima bijo ei tig dima dip leu binhyepo yo di ingat nimbiam nggrom dima ibuhup hanyen tut.”

YEHEZKIEL 36:15

Dihyei dini mimiap kep ngkiai nya di iba ighyet bicig yok ba, inghim koi sut tungwatu ighyet di kinei sut yok bu bi. Dihyei dini misiber mben di ibong niti nya inggrom bu bi. Da di tuhan Di Dinyeng Jei Bibor disimbot dat tu.”