YEHEZKIEL 22:3 - ALLAH NIHYET MEM TUNGWATU NYA

³ tuhan Di Ninyeng Jei Bibor cuk da biditri tut nisokti dini bak minu ndig Yerusalem “Njap nimbus angonti dideu kwei su. Lewo abon mun tunggwei nindig bibor tirigi ayai nimai bak ade timiei nya lene abindei ba, map kui nati tug hon gino akuk na bak kwar nya.

YEHEZKIEL 22:3 ပူးပေါင်းရင်းမြစ်များ

NIBOU NDIG NYA GI NICAN 24:3

Ba, ningat ne suar hukum dima cut igkep yok bit leu tuhan nikos tutti leu binhyepo bijji yok leu minu di Noni yai biyok pima drek dip sisar nyeng hagom di Nibou Ndig Manasye bon kep nya ba,

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

MAZMUR 106:39

Ibon munti dima yok bindei ba, map kui yoti. Ingon gom tut Allah bi.

YESAYA 1:21

Nipou ne minu ndig Yerusalem mpung tut yo di ingon gom nya. Noro tini bu ne minu ndig dima niyai munti nya dem kep nok sop di nibou buwei! Nipou ne timiei nya yahagom ingon sren kei noro tini bu ne minu ndig dima mpung tut nihwen kep mun cig nya.

YEHEZKIEL 12:25

Da di tuhan Di Dinyeng Jei Bibor dimbrap bit mben Israel bu ba, mun di dipai nya hagom micut igkep yok ba, miditum dingon tut gima bu bi. Je di nimpung naham nimbuk kep Allah e, ma jingig jitingou mem! Dibindei mbut mun nyeng hagom di disok kep je tut nya mem nijam di jiyaijo yo dini. Da di tuhan Di Dinyeng Jei Bibor disimbot dat tu.”

YEHEZKIEL 22:2

“Na di tungwatu di ayaijo kikau bi e, atin ei mem gima agwam nok nikei mem minu ndig di mpung tut nihwen mun cig dima tu e? Ma ando nide nibon munti di igyai kou ningat nya bak.”

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:4

Ade niyaijoti mingwig hon didiyam. Ba, angon mui drek dip gi ayai nimai bak timiei nya tu ba, map kui jeti tug hon kwar di jibon bou jinda him. Gima rino disindui sut na ba, anok mun di ngkiai nya kin ide minu nya yahagom ikig bipa ndip nyen cem.

YEHEZKIEL 22:6

Nibou Israel nya yahagom iba ingon com yonti ide nisindemti ba, inok nihwen kep mun cig nya.

YEHEZKIEL 23:37

Icut ei sisar nicut tut yamti ba, ibiyai nimai bak tungwatu nya. Icut tut kwar nya di ikuk yok bak ba, ibiyai nimai bak munggwom nya di igyai biDa cem tu. Iba munggwom dima yok bibon midut nindig yok ei nimbar hum dokti bak ide kwar di ikuk yok bak nya.

YEHEZKIEL 23:45

Noro yo di ingon sren nya migwam nok nikei mem yok bimbus yahacem ingonti drek dip ide nicut tut pinaisi nya kin niyai nimai bak tungwatuti nya cem. Ningat ne yoni igyai mun tunggwei su.”

YEHEZKIEL 23:7

Ohola ya kin pinjoi ndig dima yok ba, ningon pri kep yok bibor. Gima bindei bimap kui noti tug hon gi kuk no bak ide kwar nya.

YEHEZKIEL 33:25

Da di tuhan Di Dinyeng Jei Bibor disok dihyet ei na dip bak yo dima, “Jiyem mikwau di ninggrom huisi cem jikuk je bak kwar nya cem jihwen mun cem kikau. Nggon rino jikan bipia dihyei dini nok jide dihyei ninda rom i?

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

MIKHA 3:10

Jiwin minu ndig Yerusalem di nok Allah de minu bijitig cou ei Nihwen Munti kin Niyai Kepti Di Igbit Biti.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.