YEHEZKIEL 22:26 - ALLAH NIHYET MEM TUNGWATU NYA

²⁶ Israel de imam nya itunggwei Ditde niggai serti nya lene ibindei ba, niromti rap mun di ikwas pijum tut Da nya cem. Igikwas mun di kwes kin mun di kinei bijo ter leu yam kan bi. Nok gima cem iba Ditde nidimig sutti bingginau limwa nya tut mun di pwoi kin mun di rom niter leu yamti bi. Ba, igiya hon Njap Nigwam Kep Ninghuisi nicukti nya cem bi. Tug hon nisinati dima ne mben Israel ingwes om kep Da.

YEHEZKIEL 22:26 ပူးပေါင်းရင်းမြစ်များ

IMAM NYA IDE MIDYAI 10:10

Dipai nok leu binhyepo jimig mbus mun di dinyeng tak kep nya kin mun di ugwai-gwai nya bijo ter leu yam. Ma jimig mbus mun di kwes-kwau kin mun di map kuisi bijo ter leu yam.

MALEAKHI 2:8

Noro tini bu ne je di imam jikriek leu puig di igbit tu. Jide nipingok tungwatu nyati bindei ba, imang bibor ibon mun tunggwei. Jibindei ba, gi preu di dipreu ei mem Lewi bitut je di jintun noni him kinei su.

YEHEZKIEL 22:8

Abindei ba, map kui mpia di ikuk yok biDa eisi nya lene agiya hon nicukti tut Njap Nigwam Kep Ninghuisi cem bi.

YEHEZKIEL 44:23

Suar imam nya ingginau Ditde limwa nya leu binhyepo ibisrip tut mun di ikwas pijum ei mem tuhan kin mun di ikwas pijum ei mem bi niter leu yamti kin mun di bindei mbut nikwes-kwausi kin mun di map kuisi.

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

YEHEZKIEL 36:20

Ibindei ba, map kui dinyeng di kwes-kwau bidem imbutti kin igwamti bijo kikau tug hon tungwatu nya di ipai kep inghapti ‘Mben dini ne Allah de limwa nya rin lo, suar ikes ide minu di Allah yai biyok bijo ei.’

SAMUEL GI NIGOM 2:22

Eli ug wer andig su lene miap kep tut nipmot bat cin inghapti ninno Lewo ibibon mben Israel nok gi kinei bibor ba, icut tut sop di igyai kep midyai kui dimbou hui ei tuhan De Prak Meng cem.

ROMA 2:24

Lewo Allah Nihyet pai “Ngkiai nya ighyet wer mpiahi tut Allah ninyeng drek dip je di mben Yahudi.”

NIBWOS-BWOS NYENTI 4:13

Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

SAMUEL GI NIGOM 2:29

Nggon rino jidrui bou ngwak tut mikwau tirigi jingat mindhe-ndhe nya di dicuk Ditde limwa nya ibui mem nibon midut nindig titut ei nimbar hum dokti i? Eli e, nggon rino asindui sut apmot bat cin tut ingon kanti lene angkek ndok tut Danti dingon kanti i? Lewo asindui sut yoni idigo mikwau ninghui ninggriet di kei bibor kei hagom mem yonti igyem tirigi Ditde limwa nya ibon midut nindig ide mindhe-ndhe nya ei nimbar hum dokti bit leu nok dicuk yokti tu.

IMAM NYA IDE MIDYAI 20:25

Gima rino suar jingat igbit bijimig mbus mindhe di dipigig ser bijo ter leu mindhe di dipigig ser bi nya. Ma jiyem mindhe-ndhe di dipigig ser au. Disimbot dat bipia mindhe-ndhe dima ne mindhe-ndhe di dipigig ser tu rin ba, gino jiyem lene map kui jeti.

IMAM NYA IDE MIDYAI 11:47

Suar jimig mbus mun di kwes kei nya kin mun di map kuisi nya bijo ter leu yam. Suar jimig mbus mindhe-ndhe di kei mem gima jiyem inghui kin gi hi di kinei nya bijo ter leu yam.”

IMAM NYA IDE MIDYAI 13:43

Ma imam gom ngig niyai kep noni. Gino noni ngat nibokti dima nitiei srig ningwoiti lene,

YEHEZKIEL 7:26

Mun di buhun kin nibimbiti di tibim tut nihyet di kinei mingkwei-ngkwei nyen kep je. Jahara bak nabi nya leu binhyepo itri tut ide ningat-hi-ngat di ingat nya bije lo, igipai mun bije kan bi. Imam nya cem ingginau limwa nya kan bi ba, nipingokti cem ngwig leu nibou nya tu.

YEHEZKIEL 42:20

Ba, hanjop di Tuhan De Ig joti di bon nuhuisi bitai dima nijeisi kin ninyanti noyam ba, dem meter sratus can ningot muhwi. Ngug tig gom krop ttai hanjop nsi dima leu binhyepo bikwas hanjop nsi di kwes bijo ter mem tuhan leu hanjop nsi di nindigsi nya hak.

YEHEZKIEL 44:10

tuhan pai bida, “Midikes hukum ei yo di intun Lewi him di ikes Da ei leu ba, ikuk yok bak kwar nya bit mben Israel nindigsi nya.

NIBOHON MBEN ISRAEL GI NICAN 36:14

Mun di kinei hiter bu rino nibou nya di inok nibou mem timiei Yehuda nya kin imam nya kin limwa nya yahagom ibindei ba, map kui tuhan De Ig di tuhan Nonti dimig pijum ei mem Nonti. Yo dima icut ei nikuk yo bak kwar nyati ba, ibon mun bibit leu mben ngkiai di ibong ttai yok nya ibonti di kinei bibor nya cem.

YEHEZKIEL 23:38

Igyai gima he bi noro ibindei ba, map kui Ditde Ig kin Njap Nigwam Kep Ninghuisi di ditak buk kep tu cem.

YEHEZKIEL 44:24

Gino ingon buhun tut yam tut munhyet di bitut ide nikos tutti nya lene suar ikwam minggwen bit yam ser munhyet dima bit leu Ditde niggai serti nya di jo tu nipaisi. Suar ibon pesta nibikuk yok biDati nya bibit leu Ditde nicukti kin Ditde nikos tutti di jo tu nipaisi. Lene ma idimig Njap Nigwam Kep Ninghuisi nok njap di kwes pijum ei mem Da.

MALEAKHI 2:7

Suar imam nya ingginau ide limwa nya leu binhyepo ingon jo kep Da di tuhan Di Dinyeng Jei Bibor. Suar yo dima ihig ser imam nya tut dingon kanti lewo imam nya igya hacan mem Da.