YEHEZKIEL 22:25 - ALLAH NIHYET MEM TUNGWATU NYA

²⁵ Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 22:25 ပူးပေါင်းရင်းမြစ်များ

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEREMIA 11:9

Leu api tuhan pai bida bu “Timiei Yehuda kin timiei minu ndig Yerusalem nya igyok ingon gom mem gima yaham imbuk kep Da tu.

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

NINGAT-HI-NGAT NYA 18:13

kin biei ngkek di nyop kin mun di ui-gwang kei nya kin mini ibou kin mur kin biei nggrai di ui-gwang kei kin ba anggur ngei kin mini dui kin tepun kin gandum kin sapi nya kin domba nya kin kuda bitut kroba nya kin awak nya bitut tungwatu igyaijoti nya.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

NINGAT-HI-NGAT NYA 13:15

Hi sindui sut ba, mindhe gi nican krau nisindemti mem gima hi ninnei ei kwar dima ninsi apino kwar mbrap biyai nimai bak yo di ikuk yok binoni bi nya.

NINGAT-HI-NGAT NYA 13:11

Leu api dingat lo, mindhe di niten-pos ningut gom kin bu kiju kwei leu dihyei jou. Noni bon nibou nggai can di noyam kin domba nibou nggai ba, nihyet noyam kin naga nihyet.

LUKAS 20:47

Iris sop kibom bipos ide ig bitut mun di joti nya hagom leu yok. Lene yuhuk nadi jo ninno bijo kikau leu binhyepo ibiku ide nisibutti dima! Hukum di micut igkep yok dima buhun bibor!”

MARKUS 12:40

iris sop kibom nya bipos ide ig bitut mun di joti nya hagom leu yok cem yuhuk nadi kikau cem ba, yahagom mitug ndei hukum nindig bibor dor njiriek tungwatu nindigsi nya!”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

NIBWOS-BWOS NYENTI 4:13

Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEREMIA 15:8

Jide minu dima mpung tut kibom nya ba, imangti dor njiriek iggum di jo muk nipimat nimangti. Diyai nimai bak jide pinai pilei nya bimai hanyen ei ipilei yo apino ipmem bat nya ingon ngguk tut yok. Dibindei ba, nihwen mun cig gom hwen yok mem mpia njap apino ittin ba, ingon digit bibor.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

NIBOU NDIG NYA GI NIGOM 22:23

Lene Mikha pai ningwigsi biyok “Mun dini yok hagom pek kep mem je! Allah bindei ba, ade nabi dini yok yahagom iris mun bak na di Andigpoi. Lewo Noni kos tut mem gima mbigom na di Andigpoi atug midut ug ri!”

YEREMIA 18:21

Noro tuhan e, nogindini ma asindui sut yok ba, imunggwom bat nya imai inggum cem itug midut tug hon pran cem pinai nya imai leu itnem bat nya cem munggwom nya imai leu ipmem bat nya cem nsuwer ajar hwen andigpoi nya cem pinai pilei nya ikon pran apino igyai nimai cem hak ug.

YEHEZKIEL 13:2

“Na di tungwatu di ayaijo kikau bi e, ma apai kep nabi mben Israel nya di itri tut mun di mipek kep ei nidipti bu di kwei leu yonti ingon kanti. Ba, acuk yok bipia suar imiap Dani dihyet a.”

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

YEHEZKIEL 34:2

“Na di tungwatu di ayaijo kikau bi e, ma apai kep nibou ndig minu Israel. Da di tuhan Di Dinyeng Jei Bibor disok dihyet ei na dip bak yo dima ba, apai ‘Je di gembala Israel nya e, mun di buhun bibor micut igkep je lewo jehek tut jenti noro jehek tut jide domba nya bi.

YEHEZKIEL 34:3

Jidut domba nido ngei lene jinap ninta nok sinsun mem jenti lene jibui gi hi di nimmau ndok nok mikwau cem noro jehek tut domba dima bi sren.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”