YEHEZKIEL 22:21 - ALLAH NIHYET MEM TUNGWATU NYA

²¹ Igbit ri! Midinduk yok bidem yam ei minu ndig Yerusalem leu api midindig Ditde hum nigga yokti ei yeng behei bidibindei ba, ijet bingwig hak.

YEHEZKIEL 22:21 ပူးပေါင်းရင်းမြစ်များ

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

YESAYA 64:7

Hi ngat nadi bak Nani bahara Na mem gima ampu yok bi. Aku aimaisi ter leu nye lene asindui sut ba, nyende sisar bindei sar nye binitimek biningwig.

YESAYA 64:2

dem kep nok hum di cig-cai biyem biei bibindei ba, minyei kiak ei yengti. Akwei ndo Ade nisindemti bak Ade siceu nya bibou inghuisi mpig sut Na ei Aho bei ug e.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

MAZMUR 112:10

Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.

MAZMUR 68:2

Allah kiju lene bindei ntek gimahap Nide siceu nya. Yo di ikinei sut Noni inang leu Noho bei.

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 21:9

tuhan mibindei sima Nide siceu nya yahagom lene mikat yo di yahagom di ingon sibui sut Noni cem.

NIBOU NDIG NYA GI NICAN 25:9

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

NINDAT KEP TUHAN NICUKTI NYA 29:20

tuhan mikos ser no dima niyai munti di kinei dima bi. Noro noni mitug ndei tuhan nigga biborti di kui mpia ba, mun nyeng di buhun bibor di ipas kep ei srat diniti micut igkep noni kikau bibou tuhan icok tut noni bihigom ug e.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

YEREMIA 8:13

Dipi bidimbus Ditde limwa nya keyam noyam kin gi tungwatu nya imbus njita kwei leu beisi lo, yoni idem kep ba anggur kin biei ara di ngat ningat bi. Nimeng nya cem mbris. Gima rino disindui sut ba, ngkiai nya ikwei ba, inyeng tak kep Ditde limwa nya itimieisi. Da di tuhan disimbot dat tu.”

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.