YEHEZKIEL 22:2 - ALLAH NIHYET MEM TUNGWATU NYA

² “Na di tungwatu di ayaijo kikau bi e, atin ei mem gima agwam nok nikei mem minu ndig di mpung tut nihwen mun cig dima tu e? Ma ando nide nibon munti di igyai kou ningat nya bak.”

YEHEZKIEL 22:2 ပူးပေါင်းရင်းမြစ်များ

NAHUM 3:1

Buhun bibor mem minu ndig dini di mpung tut nisuglai mun cig nya kin nihwen mun cig nya. Lene minu ndig dini mpung tut ndigban di ipos nya kin gi icat nya cem.

YEHEZKIEL 24:9

tuhan Di Ninyeng Jei Bibor pai “Buhun bibor mem minu ndig di mpung tut nihwen mun cig dima! Danti rima dinju biei kep bidindig hum kep a.

YEHEZKIEL 24:6

tuhan Di Ninyeng Jei Bibor pai “Buhun bibor mem minu ndig di mpung tut niyai nimai bak tungwatuti dima! Minu ndig dima dem kep yeng brek di prap yem di ipiap cem bigyo. Ibindei hei mikwau nghui di jo niti gom-gom leu ninsi kikau ba, niken hi jo ninsi bi kep.

YEHEZKIEL 20:4

Na di tungwatu di ayaijo kikau bi e, atin ei mem gima ambus yo dini ingonti tu e? Gi nok ne ma ambus ingonti hak ug! Apingok ingonti leu binhyepo igyok ngon kep mun di suwok bibor di idigup bat-idigai bat nya ibon nya.

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

TIMOTIUS GI NIGOM 5:20

Bikwop nibou di ingon mui nya ne ma asok kep yok ngkiem ser ei yo di mbusyamei yahagom igyai him leu binhyepo nindigsi nya ittin ser.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

MATIUS 27:25

Yahagom ice “Yo, nyeni kin nyeni nimunggwom bat nya minibiang nibuhunti tut ninggrom.”

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

LUKAS 11:50

Allah yai nok gima leu binhyepo tungwatu nya ei nijam dini mitug ndei hukum drek dip nabi di tungwatu nya ikimukep yok habiei leu nimbie him di Allah pai tes dihyeisi dini,

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

YEHEZKIEL 11:6

Jiyai nimai bak yo di imang bibor ei minu ndig dini tu apino puig hagom mpung tut nimbiam ngut a.

YEHEZKIEL 22:1

tuhan mbrap bit da bipai,

YEHEZKIEL 22:3

tuhan Di Ninyeng Jei Bibor cuk da biditri tut nisokti dini bak minu ndig Yerusalem “Njap nimbus angonti dideu kwei su. Lewo abon mun tunggwei nindig bibor tirigi ayai nimai bak ade timiei nya lene abindei ba, map kui nati tug hon gino akuk na bak kwar nya.