YEHEZKIEL 22:14 - ALLAH NIHYET MEM TUNGWATU NYA

¹⁴ Tirigi Dikes hukum ei na dip bingwig leu lo, no abrim angkek ba, asindem mem gima akon anda yo e? Da di tuhan Di Dinyeng Jei Bibor disimbot dat tu ba, diyai mun bipek kep mun di dipai ei su nya.

YEHEZKIEL 22:14 ပူးပေါင်းရင်းမြစ်များ

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 17:24

Biei nindigsi nya ei minu dima hagom mingon huk niti bipia Dani ne tuhan ri. Diwim biei di jei ndig nya lene dibindei ba, biei mon nya hei bijei ndig. Dibindei biei di ngun-ngau nya mui bingak-cai lene dibindei ba, biei di mui nya nikioi tug hanyen ba, bimahan kep. Da di tuhan disimbot dat tu ba, mun di dipai nya hagom mipek kep.”

YEHEZKIEL 24:14

Da di tuhan Di Dinyeng Jei Bibor disimbot dat tu. Njap ngon bou dem mem gima dibindei nani tu. Midibbwe ser ade sisar bidikos ser bi. Ba, dingondut nani cem bi. Atug ndei hukum drek dip ade nibon munti nya hagom. Da di tuhan Di Dinyeng Jei Bibor disimbot dat tu.”

IBRANI 10:31

Ayo! Notou mem no di cut ei Allah Di Niyaiajo nindati i?

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

MARKUS 13:31

Mpia-bbed him kin dihyeisi dini misar noro Da dihyet misar bi sren.”

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YESAYA 45:9

Buhun bibor mem no di tte tut tuhan di pai tes noni. No dima noyam kin dibijig gom di srep tut no di bibon noni tu. Igtuyap hig ser noni “Aba da bibon mindei i?” Dibijig nso tut noni bipai “Angon mbum ba, abon da kan bi e?”

YESAYA 31:3

Mben Mesir ne tungwatu dihyeisi dini he ri. Isindemti noyam kin Allah bi. Ide kuda nya inok mindhe di mipbor ngat bi noro kuda nitu he yo. Mpe dino tuhan brim ningkek ne mben di isindem bibor dima mikinoi ug ei dihyeisi leu api mben di isindem bi po iba ingon com gi hi di isindem bibor pima micut bihigom. Mben cin dima yahacem mitimek bingwig.

AYUB 40:9

Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?

SAMUEL GI NIGOM 15:29

Nye di mben Israel ide Allah Di Ninyeng Jei ris mun ba, luei ningonti bi lewo Noni ne tungwatu dihyeisi dini rin bi.”

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

YEHEZKIEL 7:17

Tungwagom-gom ninda mbris ba, nibiau digit.

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

MALEAKHI 3:2

Noro tou riningon nddong kei mem njap dino tuhan tau kep nye i? Lewo Noni minok hum di nikinding ngkimom cig bindig mas lene minok sabun di nitot sinsun cig bitot sinsun cem.

YESAYA 28:22

Dimiap tut tuhan Di Ninyeng Jei Bibor ba, Sindem Bibor cem nikos tutti mem gima bindei sar jide minu titut yam tu. Ma jihyet kinei sut nihyet nibisok kepti di ditri tut bije dini au. Jei bi lene nggruk bibor mem gima jiteu jenti bijingwes ngun a.

YEHEZKIEL 6:10

Apino mijo nibreisi mem yok bipia Dani rino tuhan. Nisok kepti di diyai biyok nya hagom nok ninos yokti di mikui-kausi bi sren.”

YEHEZKIEL 23:34

Tirigi adut hagom bingwig leu api aba mok nisra di abindei mot dima biriu angget. Da di tuhan Di Dinyeng Jei Bibor disimbot dat tu.”