YEHEZKIEL 21:7 - ALLAH NIHYET MEM TUNGWATU NYA

⁷ Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 21:7 ပူးပေါင်းရင်းမြစ်များ

SAMUEL GI NICAN 17:10

Mpe dima lene mbro nok gino mimbri kui ade tentara ingkek ba, isindem bibor dor njiriek mindhe singa lo, yoni mittin tut noni lewo mben Israel yahagom ikan tut bipia mimbri kui nibou ndig ningkek bikon pran kan ba, nide tentara nya yahagom ihwen ide siceu nya sindem bibor cem.

NIBOU NDIG NYA GI NICAN 21:12

Gima rino Da di tuhan Allah di mben Israel ikuk yok bak midibindei ba, hukum di buhun bibor micut igkep minu ndig Yerusalem kin minu Yehuda ri. Apino yo di mimiap tut mun dima midigit tut nindig bibor.

MAZMUR 58:7

Allah e, adahat ikwai nya. tuhan e, atiba mindhe singa nehen pap dima yok ikwai di tuk leu.

NEHEI LEUSI 15:15

Mben Moab di inyeng jei nya yahagom ittin nindig bibor ba, timiei minu Kanaan nya yahagom ingon cut leu su.

YESAYA 13:7

Bikwop tungwagom-gom ningkek kan gi ninda mai ba, nibrim ningkekti cut.

YESAYA 28:19

Mun di buhun micut igkep je bijo kikau ba, suar jinghim koi sut bikwop njap tekti kin njapti kin mpia ngket kin mmun. Tirigi jingon huk niti tut Allah nisokti lene mporo nittin hwen je ba, jidigit-digoi sut.

YESAYA 35:3

Noni misindem tut yo di inda jet nya lene mibindei ba, yo di ibiau lor nya igya nddong kei.

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

YEREMIA 26:12

Lene dipai biyok “tuhan ricuk da di ditri tut Nide nicukti di wer mpiahi tut tuhan De Ig dini kin minu ndig dini di jimiap tu.

YEREMIA 49:23

tuhan pai sut mben Damsyik “Timiei minu ndig Hamat kin Arpad ingon ku yonti ba, idigit lewo imiap tut mun di kinei. Ingon tai-tai bou ba, ingon bos-bos nyen cem bidem kep muk ngwa dip di roi ug roi kwei ninyen he.

YEREMIA 50:43

Nibou ndig minu Babel miap tut nibimbiti dima lo, bitbon yai no nyen bu kan bi. Nittinti ngot no bingkiem ba, noni tug ndei ninghuisi wei dem kep nok sop di tta buhun di ninghim dut di gwam tut munggwom a.

YEREMIA 8:18

Ningon di ngguk bindei bidingon bok cem dingon dut cem ba, dem mem gima obat mpu ditde ningon ngguk biborti kan bi.

NIBWOS-BWOS NYENTI 5:17

Ningon kinei-kinau bibor lene nipim kikau ba, niyai mmui drek dip,

YEHEZKIEL 20:49

Noro da di Yehezkiel dindo dingon buhunti bidipai “tuhan Di Ninyeng Jei Bibor e, ma acuk da biditri tut nihyet dima au! Yahagom inso-nso nyen tut da drek dip gi diba nihyet nibiti nindati he bitri tut nihyet apino nggruk bibor mem gima ingon huk niti a.”

YEHEZKIEL 21:15

bindei ba, mimbri micut leu Ditde limwa nya hak apino indrat bicut hak ei dihyeisi. Diba singau simeda di njeng-jau di dem kep kigyei di ninjeng srei dima bijem kum minu ndig di ide mem gima dibihwen rin ba, singau simeda dima tin ei mem gima yai nimai bak timiei minu ndig nya.

YEHEZKIEL 21:6

Na di tungwatu di ayaijo kikau bi e, ma ahara niwei-nidut ei mben Israel yoho bei tereu nok angon dahat ba, angon cut leu cem pimo.

YEHEZKIEL 21:8

Lene tuhan pai bida,

YEHEZKIEL 22:14

Tirigi Dikes hukum ei na dip bingwig leu lo, no abrim angkek ba, asindem mem gima akon anda yo e? Da di tuhan Di Dinyeng Jei Bibor disimbot dat tu ba, diyai mun bipek kep mun di dipai ei su nya.

YEHEZKIEL 24:19

Leu api limwa nya ihig ser da “Andigpoi e, nggon rino ayai nok gima i? Gima ne mun di bindo mem nyeni notou rin i?”

YEHEZKIEL 6:2

“Na di tungwatu di ayaijo kikau bi e, ma acap nungug him ei minu Israel leu api abitri tut Ditde nisok tut hukumti di mem yoni biyok.

YEHEZKIEL 7:17

Tungwagom-gom ninda mbris ba, nibiau digit.

YEHEZKIEL 7:26

Mun di buhun kin nibimbiti di tibim tut nihyet di kinei mingkwei-ngkwei nyen kep je. Jahara bak nabi nya leu binhyepo itri tut ide ningat-hi-ngat di ingat nya bije lo, igipai mun bije kan bi. Imam nya cem ingginau limwa nya kan bi ba, nipingokti cem ngwig leu nibou nya tu.

DANIEL 5:6

Leu api niimaisi hai bibor bittin tut nindig bibor apino nibiau digit.

IMAM NYA IDE MIDYAI 26:36

Je di jingat rin ei jingkiaisi ei mpia di dicom je ug eisi dima lene midibindei ba, jittin bibor apino hou di bong biei mengti di sigak mibindei bijinang. Mbro nok gino siceu nya ikon pran ba, yuhuk je bi lo, mijinang-nang wai. Mbro nok gino hi bindei timek je bi lo, mijicut bijikinoi-kinoi wai hak.

NAHUM 2:10

Minu ndig pmem Niniwe timek hak leu api mpia ntus bram ba, wer iggum ndigsi. Timiei nya ingon kou sut lewo ittin. Ibiau mbris bidigit cem. Yahagom iimaisi hai bisieng kei bi.

LUKAS 21:26

Tungwatu nya mimai tirimpoi drek dip gi inghuisi mpig sut mun di cut igkep yok ei dihyeisi dini. Lewo nisindemti nya ei mpia-bbed him ugwa-kwei.

NINDAT KEP TUHAN NICUKTI NYA 20:8

Lene ma nibou tentara nya cem itri tut bijeni ‘Gino tungwa di ningon tai-tai bou ba, ttin cem ningat rin ei jikieti lene ma no dima ngkwei hanyen hak ug. Leu binhyepo noni ngkwei pip tentara nindigsi di ibrim ingkek mem pran nya au.’

IBRANI 12:12

Gima rino ma jibindei ba, jinda di sindem bi nya yai nisindemti ba, jibiau di dut nya cem yai nisindemti.

YOSUA 5:1

Lene nibou ndig mben Amori yahagom di ibong ei Minyei Yordan nite bei mpia nikimbasti kin nibou ndig mben Kanaan yahagom di ibong Muk Hacan nintig dip imiap tut notou tuhan bindei ba, Minyei Yordan bon nipingge leusi kikau bibou mben Israel yahagom isigon ug e. Apino yahagom ingon digit bibor ba, ittin tut mben Israel.

YOSUA 7:5

Lene timiei minu ndig Ai nya ikiju ba, yuhuk yok leu dimbou pmem ei minu ndig Ai nuhui kikau ug ei tig bata nibousi gom. Tentara Israel inang bijuk kwei leu minu ndig Ai lene timiei minu ndig Ai igyai nimai bak ibou ningot ningai ba, muhwindagom. Apino mben Israel ingon mbut-mbut nyen ba, idigit tut cem.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.