YEHEZKIEL 21:12 - ALLAH NIHYET MEM TUNGWATU NYA

¹² Na di tungwatu di ayaijo kikau bi e, apim nggruet ba, abahara! Lewo singau simeda dima tin ei mem gima hwen Ditde limwa nya bidat Israel ide nibou di ibie tut yok nya bitut ide limwa nya titut yam leu api yahagom misar. Gima rino ma aba angon di ngguk bibor bittem angon him.

YEHEZKIEL 21:12 ပူးပေါင်းရင်းမြစ်များ

YESAYA 13:7

Bikwop tungwagom-gom ningkek kan gi ninda mai ba, nibrim ningkekti cut.

YEREMIA 25:34

Je di nibou nya kin je di gembala mem tuhan de limwa nya e, ma jipim kui jei! Ma jirim-rim nyen ei atriemti lewo nituti dem mem gima jitug ndei nimai. Yo di ingwes ngun nya intek gimahap. Jidem kep dibijig di nibok kak di cut ba, kimbo.

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YEHEZKIEL 21:11

Singau simeda nggwen-gwau bijo hak ei mem no di mem ninghat tut leu api singau simeda dima jo ei mem nitot kep tungwatu cig nya.

YEHEZKIEL 21:13

Lewo dibingon kikep Ditde limwa nya yo. Gino ikou sut ittin ser ide nibon munti nya lene mun dima yok hagom micut igkep yok.’

YEHEZKIEL 21:14

Na di tungwatu di ayaijo kikau bi e, ma atri tut mun di mipek kep ei nidipti bu. Ma attem anda ba, abitto singau simeda dima leu binhyepo kinyon ei niyai nimai bak tungwatuti. Singau simeda dima biyai ningon ttin biborti,

YEHEZKIEL 21:25

Lene Da di tuhan dipai bak nibou ndig Israel “Nani ne nibou ndig di asibut rin ba, anjiriek dihyet! Tto bou mem ade hukum nipekti dideu su.

YEHEZKIEL 21:6

Na di tungwatu di ayaijo kikau bi e, ma ahara niwei-nidut ei mben Israel yoho bei tereu nok angon dahat ba, angon cut leu cem pimo.

YEHEZKIEL 22:6

Nibou Israel nya yahagom iba ingon com yonti ide nisindemti ba, inok nihwen kep mun cig nya.

YEHEZKIEL 30:2

“Na di tungwatu di ayaijo kikau bi e, ma atri tut ahyet ba, abipai bak mben Mesir tut mun di Da di tuhan Di Dinyeng Jei dipai biyok nya.

YEHEZKIEL 6:11

tuhan Di Ninyeng Jei Bibor pai “Ma jingon ngguk ug! Ma jipim ug! Ma jiba jingon di ngguk bibor bipim tut mun di kinei bibor kin mun di suwok hagom di mben Israel ibon tu nya. Yoni mimai tug hon pran kin ninggum kin nsuwer ajar.

YEHEZKIEL 7:17

Tungwagom-gom ninda mbris ba, nibiau digit.

YEHEZKIEL 9:8

Tirigi inda jo kep niyai nimai biyoti tu lene diya bidangkom. Diba dibiau bicom mpia bidahara “tuhan Di Ninyeng Jei Bibor e, agga minu ndig Yerusalem bibor nok gima ba, ayai nimai bak yo di ingat rin ei Israel yahagom e?”

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

MIKHA 1:8

Gima rino mun dima yok bindei ba, da di Mikha dingon buhun bibor bidingon ngguk bibor cem. Midikwek srop leu dimig jou bidikui mai he leu api diya-ya nyen nok mun di bindo bipia dingon buhun bibor. Midiyau-yau nyen noyam kin nsien bigbehei ba, dihyet noyam kin ha unta niyausi.