YEHEZKIEL 20:7 - ALLAH NIHYET MEM TUNGWATU NYA

⁷ Dicuk yok ba, suar icom kwar di suwok bibor di ijoi sut kei di icem kep di ikuk yok bak dima. Diggai ser yok leu binhyepo ibindei ba, map kui yokti tug hon gi ikuk yok bak mben Mesir ide kwar nya bu au. Lewo Dani ne ide tuhan Allah ri.

YEHEZKIEL 20:7 ပူးပေါင်းရင်းမြစ်များ

NIBOHON MBEN ISRAEL GI NICAN 15:8

Tirigi Asa miap Nabi Azarya di Oded nipmot nipaisi dima rino ningon llei bibor mem. Lene kiju binjei kwar nya hagom bingwig leu Yehuda kin Benyamin ninyeng tak kepti. Ba, njei mun dima yok ningwig leu minu ndig ngot di noni bindei timek nya ei nungug him Efraim cem hagom. Leu api kinding tuhan de nimbar hum dok ei mpia di jo bas hak di iba ngug tig bikrop ttai ei tuhan De Ig hanyen.

NEHEI LEUSI 16:12

“Dimiap tut mben Israel ide ninso-nso nyenti pima tu. Apai biyok bipia midibindei ba, mmunti lene mibui mikwau lene njap bigyokti migyem kep roti bindei yok ug ri. Leu binhyepo mijo nibreisi mem yok bipia Dani ne tuhan bidinok ide Allah ri.”

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 20:4

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

YESAYA 31:7

Dem igbit tto bou ne mijicom jide kwar di jikuk je bak nya di jiba mas kin perak bibon di mpung tut sisar bingwig leu je.

YEHEZKIEL 14:6

Apai bak mben Israel cem bipia Da di tuhan Di Dinyeng Jei Bibor dipai ‘Ma jittin ser jide sisar di jibon nya. Jiba jinghim bak jide kwar di jikuk je bak di bibon ningon him weisi dima hak ug.’

YEHEZKIEL 18:15

Noro kuk no bak mben Israel ide kwar di ibon bou inda him cem bi. Yem mikwau tug hon midut ei mpia di yo dima ikuk yok bak ide kwar nya eisi cem bi bicut tut hiter nitnem cem bi,

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 18:6

kuk no bak mben Israel ide kwar di ibon bou inda him biyem mikwau tug hon midut ei mpia di yo dima ikuk yok bak ide kwar nya eisi bi bicut tut hiter nitnem bi biyem njita tut sop di ningwak ntui bi ba,

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

YEHEZKIEL 20:8

Noro yaham imbuk kep Da ba, igimiap dihyet bi. Ikou sut gima icom kwar di suwok bibor di ikuk yok bak dima lene ibikes hon gi ikuk yok bak mben Mesir ide kwar cem. Mpe dino ingat rin ei minu Mesir ne ditin ei mem gima dikes Ditde niggati ei yok dip.

YEHEZKIEL 23:3

Mpe di ipilei yo ne ibong ei minu Mesir ba, ide nipilei ngatti cut leu yok ei minu dima leu api ibon munti nok sop di krar igkei.

YEHEZKIEL 23:7

Ohola ya kin pinjoi ndig dima yok ba, ningon pri kep yok bibor. Gima bindei bimap kui noti tug hon gi kuk no bak ide kwar nya.

YEHEZKIEL 23:8

Noni yai kep midyai sop krar dima bijo kikau noyam kin gi bon ei minu Mesir nipou po nide nipilei ngatti cut leu no bigyo pima. Yo dima ijou noni ba, ibibon noni nok sop krar habiei leu nimien yo kwei su.

YEHEZKIEL 34:24

Da di tuhan midinok ide Allah lene nibou ndig gom di noyam kin Ditde awak di Daud ninyeng mitak kep yok. Da di tuhan disimbot dat tu.

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 17:7

Suar mben Israel igyai ingon gom bak tuhan kikau lene ma ibui mindhe-ndhe ei ngoi dumti nya mem ibikuk yok bak nung di isibut nya au. Suar ibit nicukti dima bijo ninno bijo kikau.

IMAM NYA IDE MIDYAI 18:2

bipai sut nicukti dini bak mben Israel, “Dani ne tuhan ba, jide Allah ri.

IMAM NYA IDE MIDYAI 18:3

Harin dima jiyai bram timiei minu Mesir po mpia di jibong eisi nipou pima kin timiei minu Kanaan di mpia di nogindini dibuwak je ug eisi dima igyai kepti nya a.

IMAM NYA IDE MIDYAI 20:7

Ma jinyohou jingon kwesti lewo Dani ne tuhan ba, jide Allah ri.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.