YEHEZKIEL 20:41 - ALLAH NIHYET MEM TUNGWATU NYA

⁴¹ Niabiati bu tirigi dibuwak je kwei leu minu di dibindei ntek gimahap je ug eisi nya tu ne midiba je bicom yam. Midijoi sut jide midut nindig mindhe-ndhe ei nimbar hum dokti nya. Leu api ngkiai nya yahagom mikan tut bipia Da dini ne Allah Di Kwes-Kwau ri.

YEHEZKIEL 20:41 ပူးပေါင်းရင်းမြစ်များ

YEHEZKIEL 28:25

tuhan Di Ninyeng Jei Bibor pai “Midinduk mben Israel kwei leu minu ting di dibindei ntek gimahap yok ug eisi nya ba, diba yok bicom yam hanyen. Apino ngkiai nya yahagom mikan tut bipia dikwes-kwau. Mben Israel mibong ei idihyei po diyai bak Ditde awak Yakub pima.

YEHEZKIEL 11:17

Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

YEHEZKIEL 28:22

Atri tut bak timiei nya bipia Da di tuhan Di Dinyeng Jei Bibor dipai ‘Minu ndig Sidon e, Da dini ne ade nitok ri. Tungwatu nya mikon dinyeng tug hon Ditde niyai nibou tut nati. Mpe dino dikes hukum ei ade timiei nya dip ne ikan tut bipia Dani ne tuhan di Kwes-Kwau ri.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEREMIA 30:3

lewo tto bou dem leu api midingkwei Ditde limwa mben Israel kin Yehuda hanyen ei ide nibong kei nigwam keiti nok gi nipou bu. Midibuwak yok kwei bidikes yok ei minu di diyai bak idigup bat-idigai bat nya hanyen leu api yoni igyai bigyati hanyen nok ide dihyei ninda rom. Da di tuhan disimbot dat tu.”

YEREMIA 23:3

Midinduk Ditde limwa nindigsi nya kwei leu ingkiaisi di dicom yok eisi leu api ibong ser itimieisi hanyen ba, idigek kep mpia.

YESAYA 5:16

Noro tuhan Di Sindem Bibor ndo tut ninyeng jeisi tug hon gi bon mun di igbit. Noni mindo tut Nide nikwes-kwausi tug hon gi gwam nok nikei mem Nide limwa nya.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

AMOS 9:14

Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.

YEHEZKIEL 38:8

Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

YEHEZKIEL 34:19

Suar Ditde domba nindigsi nya igyem kep abris di jico kep bidut minyei di jibindei nghet.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 6:13

Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

IMAM NYA IDE MIDYAI 1:17

Lene ma imam dima srat ha dima ningut hacan hammi ninyehei noro suar ninyehei nya jo nijoti ba, ndun him. Lene ma noni ndig hagom kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:9

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

KORINTUS GI NICAN 2:15

Lewo inoyam kin biei nggrai di ui-gwang kei di Kristus ndig ei Allah Noho bei. Ninghap di ui-gwang kei dima kieng kep yo di ikak puig ug ei niyaijo kikauti kin yo di israwir nya di yuug dor humti.

SAMUEL GI NICAN 24:23

Lene Arauna yai gima yok hagom bak nibou ndig bipai bak “Handei kon ba, Na di Anyeng Jei ade tuhan Allah mijoi sut nibon midut nindig mindhe titut kep humti ei nimbar hum dokti dima.”

YEHEZKIEL 34:11

tuhan Di Ninyeng Jei Bibor pai “Dangkom midinggok ser Ditde domba nya leu api dehek tut yok,

MBEN ISRAEL IMBUT-MBUT NYEN 20:13

Mun dima cut igkep yok ei minyei bousi Meriba. Lewo mben Israel inso-nso nyen bak tuhan ba, Noni ndo Nide nisindemti di kwes-kwau brei biyok ei sirima.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.