YEHEZKIEL 20:3 - ALLAH NIHYET MEM TUNGWATU NYA

³ “Na di tungwatu di ayaijo kikau bi e, ambrap bit nibou dima yok ba, apai biyok bipia Da di tuhan Di Dinyeng Jei Bibor dipai ‘Jikwei brim jingkek bibor ba, jahara Da mem gima dindo dingon kanti bijeni e? Dipai tug hon Da di Allah di niyaijo dinyeng bipia midice tut gi jahara Da tut dingon kanti mem je bi! Da di tuhan Di Dinyeng Jei Bibor disimbot dat tu.’

YEHEZKIEL 20:3 ပူးပေါင်းရင်းမြစ်များ

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

NIPINGOK NINGONTI 28:9

Gino abit Allah nicukti bi ne ningon him wei sut nadi di tibim ei ahui him.

YESAYA 1:12

Tou ricuk je bipia suar jittei mun dima yok hagom kwei tirigi jibikuk je biDa i? Tou ricuk je bipia suar jingwig kep midut nya nok gima ei Ditde Ig Di Kwes-Kwau i?

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”

YEHEZKIEL 14:1

Mpe dima lene mben Israel ide nibou nya ibou poi ikwei ngat da ba, ihig ser da tut tuhan ningon kanti.

YEHEZKIEL 20:2

lene dimiap tuhan nihyet di pai bida,

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 33:30

tuhan pai “Na di tungwatu di ayaijo kikau bi e, tirigi ade limwa nya induk yam dideu ngug tig nya kin ide dimbou hui nya bikkin dat anghapti biyam ne icuk yam bipai ‘Ma induk yam biyuug miap kep tuhan nicuk nyeti mem njap di ammani.’

AMOS 8:12

Tungwatu nya migya leu nite bei mpia nijjai kikau bipek kin nite bei mpia nibiho lene igya leu nite bei mpia nipriti kikau bipek kin nite bei mpia nicutti cem binggok ser nihyet di tibim ei duhui him. Noro imiap nihyet dima hi bi.

MIKHA 3:7

Nabi nya di itri tut mun di mipek kep ei nidipti bu mimmai sut yonti lewo mun di itri tut mipek kep mem tungwatu nya bi. Yahagom mimmai sut yonti lewo Allah mibuhup ighyet bu bi.

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 3:7

Tungwatu nya imang bibor ikwei ngat Yohanes ba, ijoi sut gima igyai nitur yok ei minyeiti. Noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

YOHANES 4:24

Lewo Allah ne Ninnei ri. Tungwatu nya igyai nisindemti leu Nonti Ninnei leu binhyepo iba ingon gom bibikuk yok biNoni.”

SAMUEL GI NIGOM 28:6

Gima rino noni hara tuhan mem gima ndo bindo binoni. Noro tuhan buhup nihyet tug hon mumpriem nya kin Urim kin Tumim kin nabi nya ighyet bi.