YEHEZKIEL 20:11 - ALLAH NIHYET MEM TUNGWATU NYA

¹¹ Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.

YEHEZKIEL 20:11 ပူးပေါင်းရင်းမြစ်များ

ROMA 10:5

Musa pas kep bipia no di yai ningon kwes kin Allah hanyenti tug hon nibit leu Puig Yahudi niggai ser noti mitug ndei niyaijo tug hon nibit niggai ser noti dima.

NINDAT KEP TUHAN NICUKTI NYA 4:8

Ngkiai nya di isindem bibor nindigsi hi bon niggai serti di sren kei dem kep nok nicukti di dingginau je tut njap di ammani bi.

IMAM NYA IDE MIDYAI 18:5

Ma jibit dimbrap tutti nya kin diggai serti nya di diyai bak jeni. Gino jiyai nok gima lene jingwes ngun. Dani ne tuhan ri.”

GALATIA 3:12

Noro Puig Yahudi niggai serti ntun him niba ningon com Allahti bi. Lewo Allah nihyet pai bipia bikwop tungwa tou rino yai igbit Puig Yahudi niggai serti mitug ndei niyaijo drek dip.

LUKAS 10:28

Yesus buhup “Igbit ri. Ma ayai igbit nicukti dima leu api ayai niyaijo nijep.”

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

ROMA 3:2

I! Mun dima yok mpu mben Yahudi nindig bibor! Nimbie him ne Allah ba ningon com yok tut Nonti Nihyet di yai biyok tu.

YEHEZKIEL 20:21

Noro pilei nya ei nijam dima cem yaham imbuk kep Da. Itunggwei Ditde nikos tutti nya ba, iba ikou yai Ditde nicukti nya di dem mem yo di ice tut ibit nya igyai niyaijo ba, ide njap jei cem. Ibindei ba, map kui Njap Nigwam Kep Ninghuisi bibor. Gima rino ditin ei mem dikes Ditde nigga biborti ei yok dip ei iggum ndigsi dima ba, dibiyai nimai bak yahagom.

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

YEHEZKIEL 33:15

bitut gi tug mun di bindo hanyen bak no di dahat ningwam leu noni ba, tug mun di noni nggimang hanyen bak niceu bibon sisar bu bi noro bit niggai serti di bie ndam niyaijo di kei bibor ne no dima mitug ndei nimai bi.

NINDAT KEP TUHAN NICUKTI NYA 4:5

Dingginau je tut nicukti pima hagom bit leu nok tuhan di nok ditde Allah nicuk dati tu. Ma jibit nicukti dima hagom tirigi jibong kei jigwam kei ei minu di jitin ei mem jicoi eisi.

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

NIPINGOK NINGONTI 6:23

Acig-apmem nya ide ningginausi nya dem kep ninjeng di piga digai puig di kei mem nani ba, ide nisok kepti nya mindo puig niyaijoti di kei bibor bina.

YEHEZKIEL 18:9

No dima bit dicuk noti nya biyok ngon kep diggai serti nya ba, nongkom he rino ningon sren binyohou nonti niyaisi cem. Da di tuhan Di Dinyeng Jei Bibor disimbot dat tu.

YEHEZKIEL 33:16

Midiyok ngon kep nide sisar di noni bon kep dima bu bi leu api noni mehek tut niyaisi lewo niyai munti nya dima kei bibor ba, igbit cem.