YEHEZKIEL 2:7 - ALLAH NIHYET MEM TUNGWATU NYA

⁷ Ma atri tut mun di disok ei na dip hagom biyok. Mpaba ingig itingou mem ahyet e, he bi e, dikan tut bi. Ma ayok ngon kep bipia yoni yaham imbuk kep Da igkei.

YEHEZKIEL 2:7 ပူးပေါင်းရင်းမြစ်များ

YEREMIA 23:28

Suar nabi di tri tut nide mumpriem pai hak ‘Gini ne mumpriem he yo.’ Suar nabi di miap kep dicuk noti tri tut dihyet dima nok gi igbit. Gandum nitu kei bibor dor njiriek gandum sisron.

YEHEZKIEL 3:17

bipai “Na di tungwatu di ayaijo kikau bi e, midita nani nok no di ya ser mben Israel. Ma atri tut mun di disok ei na dip bak yoni.

YEHEZKIEL 3:10

Allah binut bu bipai “Na di tungwatu di ayaijo kikau bi e, ma angig atingou mem dihyet ba, akan kep mun di disok ei na dip hagom.

YEHEZKIEL 2:5

Mpaba ingig itingou mem ahyet e, he bi e, dikan tut bi. Noro gi bon ninyeng rino suar ikan tut bipia nabi gom no rinaha ei ikieti.

YEREMIA 1:7

Noro tuhan buhup “Ma apai sut nanti bipia amahan bigyo nok au. Gino dipinak na ndam tungwatu nya lene ma ambut hak ug ba, atri tut nihyet di disok ei nani dip hagom biyok.

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

YUNUS 3:2

bipai binoni “Akiju ba, aug ei minu ndig Niniwe lene ma aba acot pai bak timiei nya tut mun di dicuk na tut nya hagom.”

YEREMIA 26:2

tuhan pai bida “Ma aug ya ei ninsi di jo bas hak ei tuhan De Ig leu api atri tut dicuk nati nya hagom bak tungwatu nya di ikwei leu minu mien nya ei minu Yehuda di ikwei kuk yok biDa. Ma akos dicuk nati dima poi mien cem leu au.

YEREMIA 7:27

Lene tuhan binut nihyet bu bipai bida “Gima rino Yeremia e, mbro nok gino atri tut dihyet dini hagom bak Ditde limwa nya lo, yoni igimiap kep ahyet bi. Mbro nok gino ahig yok lo, igibuhup bi.

YEREMIA 17:20

Atri tut Ditde nisok kep yokti bak nibou ndig nya kin timiei Yehuda nya bitut timiei minu ndig Yerusalem nya yahagom di icoi-coi nyen kak dimbou pmem dima yok.

YEREMIA 36:14

Leu api nibou dima yok icuk Yehudi (di Netanya nipmot ba, Selemya nignyon ba, Kusyi nidigup) bisok ighyet ei noni dip bak Barukh leu binhyepo ttei srat di noni kwop kwei. Gima rino Barukh kwei sut srat dima bit leu nok icuk noti.

YEREMIA 42:21

Nogindi pa ditri tut ide tuhan Allah nisok mem jeti nya hagom bije noro jikou sut nibit nisok mem jeti dima.

YEHEZKIEL 11:25

bidipui sut mun di tuhan ndo bida nya hagom bak Nide limwa di isima ei ingkiaisi nya.

YEHEZKIEL 12:2

“Na di tungwatu di ayaijo kikau bi e, abong ei yo di yaham imbuk kep Allah tu nya ikieti. Ibon igyai noro igingat mpia bi. Ibon itingou noro igimiap mun cem bi. Lewo yaham imbuk kep Da kikau.

YEHEZKIEL 20:27

Gima rino na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak mben Israel. Gini ne bindo hiter di bindo tut notou jidigup bat-jidigai bat nya ighyet tigut Da ba, iba ingon gom bibit Da bi ri.

YEHEZKIEL 33:7

Na di tungwatu di ayaijo kikau bi e, dita nani ba, anok no di ya ser mben Israel ide siceu nya ikweisi. Ma atri tut mun di disok ei na dip dini biyok.

YEHEZKIEL 40:4

Bipai bida “Na di tungwatu di ayaijo kikau bi e, angig atingou mem dihyet mungkun kei ba, angig ayai kep mun nyeng hagom di dindo bina. Lewo Allah buwak na kwei mem gima atri tut mun nyeng hagom di angat bou ayai him bak mben Israel.”

AMOS 3:13

tuhan Di Sindem Bibor biNinyeng Jei Bibor cem pai “Nogindini ma jiyok ngon kep dihyet lene ma jisok kep yo di intun Yakub him.

NEHEI LEUSI 6:29

Noro Musa buhup “tuhan e, ningat ne diji buhun bibor lene bit bon Firaun ngig nitingou mem dihyet kan bi.”

YEREMIA 6:28

Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.

YEREMIA 34:6

Leu api dipai sut tuhan nisokti dima bak Nibou Ndig Zedekia ei minu ndig Yerusalem,

YEREMIA 44:20

Lene dipai bak pinai nya kin sop nya di ibuhup dihyet nok gima,

YEHEZKIEL 3:4

Allah pai bida bu “Na di tungwatu di ayaijo kikau bi e, ma aug ngat mben Israel ba, atri tut mun di disok ei na dip bak yoni.