YEHEZKIEL 2:6 - ALLAH NIHYET MEM TUNGWATU NYA

⁶ Na di tungwatu di ayaijo kikau bi e, ma attin tut yo di ingkek ndok dima yok kin ighyet au. Mbro nok gino isrep tut bingwes om kep na ba, gima noyam kin gino abong bit amai nggre nya lo, ma attin tut yok au.

YEHEZKIEL 2:6 ပူးပေါင်းရင်းမြစ်များ

NIBOU NDIG NYA GI NICAN 1:15

Pai nok rino tuhan de malaikati pai bak Elia “Abit noni ba, jijuk leu mbigdip dini lene ma attin tut au.” Gima rino Elia kiju bijuk leu mbigdip dima bit nibou tentara dima biyuug ngat nibou ndig mben Israel,

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 9:18

tuhan Di Sindem Bibor gga bibor ba, Nide hukum dem kep nok hum di cig-cai ba, Nide limwa nya rinok war nggig-nggwen di hum yem ningwig a. Hi di ngondut nide adig-ajoi bi.

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

YEREMIA 1:8

Ma attin tut yok au. Midingat rin bit na leu binhyepo dinyohou na. Da di tuhan disimbot dat tu!”

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 6:28

Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.

YEHEZKIEL 24:3

Da di tuhan Ditde nihyet nibiti nindati gom mem gima atri tut bak Ditde limwa nya di yaham imbuk kep Da kikau nya pai bipia, Akiber minyei ei yeng brekti leu api akes tut ei humti.

YEHEZKIEL 28:24

tuhan pai “Minu ngkiai di gahai Israel di ighyet wer mpiahi tut yok idem kep ndia nggwen di biyai nidut bak Israel bu bi. Minu dima yok ingon huk niti bipia Dani ne tuhan Di Ninyeng Jei ri.”

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

MIKHA 7:4

Yo di ikei bibor kin yo di ingon sren kei di isrig ikieti cem inoyam kin nitigot-tigausi di bon ninyeng bi. Tto bou dem mem Allah kes hukum ei yo dima dip bit leu nok nihyet di Noni sok ei ide nabi nya dip bak yoni. Nogindia nisinsiou jo ei ikieti.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

LUKAS 10:19

Jimiap e, diyai nisindemti bije leu binhyepo jico kep wou kin amai nggre nya ba, jibindei timek jide Siceu nide nisindemti hagom ba, bit bon mun nyeng hi yai nibok bije kan bi.

LUKAS 11:12

He ma noni hara je tut guli dunggwei lene jiyai amai nggre bak e?

LUKAS 12:4

“Disut bat jen! Ma jiyok ngon kep! Ma jittin tut yo di ikimukep jingut au. Lewo bit bon igyai mun di buhun dor njiriek gima bije kan bi.

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

KISAH 4:19

Noro Petrus kin Yohanes ibuhup “Ma jenti jihig yam tut mun di nijit di Allah joi sut. Nibit jenti jihyet e, he ma nibit Allah nihyet e, he notou i?

KISAH 4:29

Na di Tuhan e, nogindini angig ayai kep yo dima icug nyeti nya. Ba, ampu Ade awak di nyeni leu binhyepo nibrim ningkek tut nihyet Ade bak tungwatu nya.

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

FILIPI 1:28

Ma jingwes mien tut yo di ihwen bit je au noro ma jibrim jingkek. Tug hon nisinati dima ne mijo nibreisi mem yok bipia icut bak jeni ba, Allah misindem tut je leu binhyepo jibindei cut yok cem.

2 TIMOTIUS GI NICAN 1:7

Ninnei di Allah yai binye bindei ba, ingwes mien bi noro sindem tut nye biyai ningon ngakei yamti kin noom ningon binye.

IBRANI 11:27

Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

PETRUS GI NIGOM 3:14

Gino jiyai ninghuisi wei drek dip jiyai munti di kei nya ne ningon nggei-hi-nggei mintun him! Ma jingon digit tut tungwatu nya lene ma jingon bos-bos nyen au.

NINGAT-HI-NGAT NYA 9:10

Ipu bon nisindemti dem kep amai nggre naham tungwatu nyati ba, iba ipu baham tungwatu nya kikau mem bed nitindur muhwi.