YEHEZKIEL 19:7 - ALLAH NIHYET MEM TUNGWATU NYA

⁷ Noni njei bihwen tentara nibousi di igya coi nya binggek bitut minu ndig nya cem. Timiei minu ndig nya dima inghuisi mpig sut mpe di imiap niyau-yau nyenti di bong mpiati.

YEHEZKIEL 19:7 ပူးပေါင်းရင်းမြစ်များ

YEHEZKIEL 30:12

Midibindei pingge Minyei Pmem Nil leu api midikes mben Mesir yahagom ei yo di isibut nya indati. Ngkiai nya migya kep minu dima titut yam bisar. Da di tuhan disimbot dat tu.”

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

AMOS 6:8

tuhan Di Sindem Bibor ba, Ninyeng Jei Bibor cem sok kep je ngkiem “Dingon mpo tut mben Israel ide ningon jei biborti ba, dingon buhun tut ide ig di kei bibor kei nya. Gima rino midikes ide minu ndig pmem bitut timiei minu dima yahagom ei ide siceu nya indati.”

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 12:19

Ma atri tut nihyet di Da di tuhan Di Dinyeng Jei Bibor dipai bak timiei minu ndig Yerusalem di ibong ser ide ig nya. Yoni midigit-digoi ei mpe di igyem njita ba, nittinti mihwen yok ba, iji kibi-kibou yam ei mpe di idut minyei. Ide dihyei ngoi-nga lewo yo di yahagom di ibong ei minu dima ipigau Ditde nikos tutti nya bijo kikau tu.

NIPINGOK NINGONTI 28:3

No di ninyeng jei di hwen bit nuhui mbum nya noyam kin biget di mbras bibindei ba, njita beisi hagom kinei bibor.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

YEHEZKIEL 19:6

Singa mien dima ndig bimahan lene bicom yam bit singa nindigsi nya bibingon tut ninggok mun di yemti binok singa di ttem tungwatu mem nide mun di yem.

YEHEZKIEL 19:8

Noro ngkiai di ibong gahai nya injei siceu bihwen noni kros leu nima kwei-nima kwei bicom ide jala kep bibikat noni. Iba ide jala bikat.

YEHEZKIEL 45:8

Hanjop nsi dima nok nibou ndig de dihyei ninda rom. Tug hon nisinati dima ne noni mico kep Ditde limwa nya bu bi. Noni misindui sut ba, dihyei nindigsi jo hak mem mben Israel leu binhyepo ijem bou yok nok ide.

NIBOU NDIG NYA GI NICAN 23:33

Ninyeng nibou ndig mem timiei Yehuda nya cut ei mpe di Nekho di nibou ndig mben Mesir pima kat noni binggam ei minu ndig Ribla ei hanjop Hamat. Lene Nibou Ndig Nekho bidip huk timiei Yehuda nya leu binhyepo imbus perak kilo sribu ningai ba, sratus bitai kin mas kilo ningot ningai ba, bitai nok belasten di suar igo bak noni.

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.