YEHEZKIEL 19:12 - ALLAH NIHYET MEM TUNGWATU NYA

¹² Noro nigga kep mun cig nya yohom binjei ug ei dihyeisi. Hou mpia priti kuisi bibindei ba, ninjem di ngun-ngau mui hak. Ninda nya dahat bimui leu api indig kep hum.

YEHEZKIEL 19:12 ပူးပေါင်းရင်းမြစ်များ

HOSEA 13:15

Mbro nok gino mben Israel ibong kei igwam kei noyam kin minta di nnum kei lo, midibindei ba, hou di wam bibor di cut kwei leu mpia nipriti bindei ba, ide minyei bousi nya hagom pingge bingwig. Hou dima mipijuk mun di bon ninyeng hagom bingwig leu yok.

YEHEZKIEL 17:10

Ningat ne biei dima ya bingkiem lo, mehei kikau ba, bindig nut ug e? Gino hou mpia nipriti kuisi lene mimbriong bi e? Mimui ei niyati di ha krubri gi nigom nita eisi pima bi e?”

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YEHEZKIEL 19:11

Ninda di tug ninjem sindem ba, krop mem gima idahat bi. Ba, ninjem dem mem gima irop binok tom ninyeng tak kepti mem nibou ndig. Ninggrupti jo anai bibor ug bipek kin bumbuhui nijunti. Tungwatu nya yahagom inggap leu sut noni lewo jo anai bibor ba, nimeng nggrou cem.

YEHEZKIEL 15:4

Ba anggur ninjem bon ninyeng bi ba, nok biei mui di indig kep hum he. Gino hum yem niyenti cin bijep leu su lene nahacanti cem wer hum ngum leu lene nibon ninyengti no rinaha yo e?

YEREMIA 31:28

Bit leu nok gi po dinyohou yok leu api disrep tut nibou ndig nya cem dinggek tut ide ninyeng tak kep limwati nya bingwig cem dibindei sar yok cem ei niabiati bu tu pima lene midinyohou ta yok binddong kei bidiwin yok hanyen.

YOHANES 15:6

No di nyohou miai ba anggur nghousi misriot no di com nigau ninghig-niker ei Dati bi noyam kin gi noni sriot biei nda leu apino mui. Noni mimbus ninda dima hagom keyam bindig kep huma.

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

YEHEZKIEL 28:17

Aimaisi di ubbu ngat dima bindei ba, angon jei. Anyeng jeisi bindei ba, aba angon di mbum bibon mun. Gima rino dinjei na ug ei dihyeisi. Dibindei ba, anok bindo di bipingok nibou ndig nindigsi nya ingonti leu binhyepo ibiyok ngon kep.”

YEREMIA 22:30

“No dima ne no di tuhan kos tut mem gima nimunggwom bat nya isar leu nitta ri. Noni ne no di ngat ningat di tug hon niyai munti nya bi bijo kikau. Nide nintun him yamti di bram yam nya inyeng mitak kep minu Yehuda nok nibou ndig di ntun Daud him bu bi sren. Da di tuhan disimbot dat tu.”

MAZMUR 80:16

Ateu Ade limwa nya di inok ba anggur ninjem di ata dini kin ba anggur nikioi di asindem tut dini leu binhyepo mui bingwig bi!

MAZMUR 52:5

Angon ngakei mun di kinei bibor dor njiriek mun di kei. Ajoi sut niris mun dor njiriek mun di nijit.

NIBOU NDIG NYA GI NICAN 23:34

Nibou Ndig Nekho ta Elyakim di Yosia nipmot nok nibou ndig mem timiei Yehuda nya ba, biluei ninyeng Elyakim ei ninyeng Yoyakim bu. Leu api Nekho kat Yoahas buug sut ug ei minu Mesir leu api nide njap ug hon nohonti ei sirima.

NIBOU NDIG NYA GI NICAN 23:29

Mpe dino Yosia ninyeng tak kep timiei Yehuda nya ne nibou ndig Nekho leu minu Mesir njei sut nide tentara nya bikak puig ug ei Minyei Efrat nyai leu binhyepo injei siceu bit nibou ndig mben Asyur. Yosia kin nide tentara ikon pran bit tentara Mesir ei Megido noro Yosia tug ndei nimai ei pranti dima.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

NINDAT KEP TUHAN NICUKTI NYA 29:28

tuhan nigga biborti kum eisi nindig bibor. Lene ba nigga biborti dima bohom mben Israel leu itimieisi ba, com yok nok awak ug ei ingkiaisi apino ingat rin ei sirima kikau kwei bipek ammani kep.’

YESAYA 27:8

tuhan kes hukum ei Nide limwa nya dip tug hon gi com yok ug ei ingkiaisi. Noni ba hou sibut di cut kwei leu mpia nipriti bijji yoni.

NIBWOS-BWOS NYENTI 2:1

tuhan ba niggati biyai nibou tut bibindei ba, nidinditi jun nungug Sion o! Noni com minu Israel ninyeng di jei di kui sur mpia-bbed him ug ei dihyeisi tu o! Njap dima ne tuhan gga bibor bikes Nide Ig ei nungug Sion bijo ei o!

YUNUS 4:8

Niabiati mpia pri tu lene Allah kes hou di dut bibor kwei leu nite bei mpia nipriti bikui Yunusti. Mpia cem wam noni lene mpia dima bindei ba, nibou ngwak sibui sut lene ninghuisi bimbriong tut. Apino noni hara “Dingon bisau ndam dimaisi dor njiriek diyaijoti.”

YEHEZKIEL 15:2

“Na di tungwatu di ayaijo kikau bi e, notou abinai ba anggur ninjem kin biei nindigsi nya i? Gino abinai ba anggur ninjem kin biei bigbehei ninjem lene ma ando gi hi di bon ninyeng dor njiriek hiter nya.