YEHEZKIEL 19:1 - ALLAH NIHYET MEM TUNGWATU NYA

¹ Bit leu Allah nicuk dati ne dipai doia nibwos-bwos nyenti dini mem nibou ndig Israel ibou can di igya luei icig bat nya yohoti. Dibipai,

YEHEZKIEL 19:1 ပူးပေါင်းရင်းမြစ်များ

NIBOU NDIG NYA GI NICAN 23:34

Nibou Ndig Nekho ta Elyakim di Yosia nipmot nok nibou ndig mem timiei Yehuda nya ba, biluei ninyeng Elyakim ei ninyeng Yoyakim bu. Leu api Nekho kat Yoahas buug sut ug ei minu Mesir leu api nide njap ug hon nohonti ei sirima.

NIBOU NDIG NYA GI NICAN 24:12

leu api Nibou Ndig Yoyakhin kin nipmem kin nimunggwom bat nya kin nide nibou pran nya kin yo di igya kui noni yahagom ikes yonti ei mben Babel indati ba, Yoyakhin sima hukum. Mun dini cut igkep yok tirigi Nebukadnezar ninyeng tak kep mben Babel mem ari bingwam muhwindaningai su.

NIBOHON MBEN ISRAEL GI NICAN 35:25

Mpe dima lene Nabi Yeremia ba doia ningon ngguk tut gom bikiek Nibou Ndig Yosia ei nimaisi dima. Ba, pinai nya kin sop di ipai doia igkei nya ikrau kep doia dima mpe di ibon midut nibiyok ngon kep ningon di ngguk tut Nibou Ndig Yosia kikau kwei bipek ammani kep ba, ibindei coi doia dima ei nimpung srat doia nibwos-bwos nyenti.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

NIBOHON MBEN ISRAEL GI NICAN 36:3

Nekho di nibou ndig mben Mesir kat Yoahas. Noni cuk timiei Yehuda nya leu binhyepo iba perak di nibuhunti kilo sribu ningai sratus bitai kin mas kilo ningot ningai ba, bitai bigo belasten gau yonti kin ide minu bak noni. Leu api noni kon Elyakim di Yoahas nikinjoi kui bigwam nok nibou ndig mem timiei Yehuda nya biya luei Yoahas nohoti. Noni bises ninyeng Elyakim bijem ninyeng Yoyakim bu leu api kri Yoahas buug sut ug ei minu Mesir.

NIBOHON MBEN ISRAEL GI NICAN 36:6

Tirigi Nebukadnezar di nok nibou ndig mem mben Babel coi biyai minu Yehuda biyati tu lene kat Yoyakim leu api ba lante biteu nimig-ninda bikri buug sut ei minu Babel.

YEREMIA 22:28

Da di Yeremia dipai “Nibou Ndig Yoyakhin dem kep nok dibijig di kimbo di icom ba, ikou sut tu e? Tug hon nisinati dima icom noni kin nimunggwom bat nya ug ei ingkiaisi di ingat bou igyai him bigyo e?”

YEREMIA 22:30

“No dima ne no di tuhan kos tut mem gima nimunggwom bat nya isar leu nitta ri. Noni ne no di ngat ningat di tug hon niyai munti nya bi bijo kikau. Nide nintun him yamti di bram yam nya inyeng mitak kep minu Yehuda nok nibou ndig di ntun Daud him bu bi sren. Da di tuhan disimbot dat tu.”

YEREMIA 24:1

Mpe di gom bu tirigi Nebukadnezar di nok nibou ndig mem minu Babel kat Yoyakhin di Yoyakim nipmot di nok nibou ndig mem minu Yehuda bitut nibou Yehuda nya di igya kui noni kin tukan di ibon mun bou inda him nya kin nibon kep ngkimom cig nya ba, kri yok leu minu ndig Yerusalem ug ei minu Babel ba, isima ei ingkiaisi lene tuhan yai ningat-hi-ngat hi bida. Dingat bansi can di biei ara ningat jo niti di jo hak ei tuhan De Ig nuhuigya.

YEREMIA 24:8

Noro midibibon Zedekia di nok nibou ndig mem minu Yehuda kin yo di igya kui noni kin timiei minu ndig Yerusalem niken-ken di ibong ei minu dini kin gi hi di ipri ug ei minu Mesir nya ba, idem kep biei ara ningat di kroi ningkom di dem mem igyemti bi dini. Da di tuhan disimbot dat tu.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

NIBWOS-BWOS NYENTI 4:20

Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

NIBWOS-BWOS NYENTI 5:12

Ikat kep nyende nibou nya ikimam ba, ipindur yok lene ikon ndigpoi nya inyeng bu bi o!

YEHEZKIEL 19:14

Hum di dwim mpiati su nidwep bicig ninjem kin ninda kin ningat bikinei. Tini bu ne ninda sindem ba, dem mem gima igyai binok tom ninyeng tak kepti mem nibou ndig bu bi sren. Gima ne doia nibwos-bwos nyenti di limwa nya ikon nyen kikau ri.”

YEHEZKIEL 19:2

“Jipmem dem kep singa niwek di mipbor ngat dor njiriek singa nindigsi nya hagom. Noni bindei mahan nimien bat nya ei singa nikre di mimbri nya ikieti.

YEHEZKIEL 2:10

Ninda dima kwek srat kijum dima bidingat lo, srat bokti jo bei ninghim noho. Nipas kepti dima tut ningon di ngguk biborti kin ninso-nso nyenti kin niweisi.

YEHEZKIEL 26:17

Leu api ikon doia nibitig nimaisi dini drek dip na di nibimbiti pai bipia, Minu ndig di ninyeng jei bibor cut hak tu! Icok tut nide kibar minyei nya hagom leu muk ndigsi tu. Timiei nya di nipou inyeng tak kep bidem muk ngeisi titut yam pima ibindei ba, yo di ibong les him nya ittin tut yok.

YEHEZKIEL 27:2

“Na di tungwatu di ayaijo kikau bi e, apai doia nitig nimaisi dini mem minu ndig Tirus.

YEHEZKIEL 27:32

Leu api ikon doia nibitig nimaisi gom mem nani di pai ‘Na di minu ndig Tirus e, tou rinoyam kin nani i? Na di minu ndig Tirus e, tini bu ne asar minyei jou ba, abbwe-bbwau ei muk ngeisi.

YEHEZKIEL 28:12

“Na di tungwatu di ayaijo kikau bi e, ma apim nggruet tut nibou ndig Tirus. Ma apai sut mun di Da di tuhan Di Dinyeng Jei Bibor dipai sut noni bipia nipou pini jug ne abon nanti nok bindo tug hon ade nikei-kau-keisi. Nipou yo ne angon ki bibor ba, awer ubbu ngat cem!

YEHEZKIEL 32:16

Nisok kep ngkiemti dini rinok doia ningon nggukti. Nimpung sop mben hiter nya mikon doia dima binok doia ningon ngguk tut minu Mesirti bitut nide limwa nya yahagom. Da di tuhan Di Dinyeng Jei Bibor disimbot dat tu.”

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 32:2

Na di tungwatu di ayaijo kikau bi e, ma asok kep nibou ndig minu Mesir sindem. Atri tut Ditde nisokti dini bak “Mbro nok gino awer na singa nehen pap ei mben nindigsi nya ikieti lo, adem kepti rino unggor di bong kep minyeisi. Aba amig biroi minyei ba, abindei mumpiang bingwig ei minyei hagomti cem.

AMOS 5:1

Je di mben Israel e, ma jimiap kep dihyet lewo midiba doia ningon di ngguk bikiek je.