YEHEZKIEL 18:9 - ALLAH NIHYET MEM TUNGWATU NYA

⁹ No dima bit dicuk noti nya biyok ngon kep diggai serti nya ba, nongkom he rino ningon sren binyohou nonti niyaisi cem. Da di tuhan Di Dinyeng Jei Bibor disimbot dat tu.

YEHEZKIEL 18:9 ပူးပေါင်းရင်းမြစ်များ

NIBOU NDIG NYA GI NIGOM 9:4

Gino aba angon di sren kin angon di gom bikuk na biDa bit leu nok acig Daud niyai kepti ba, abit Ditde niggai serti kin dicuk nati nya hagom lene,

NIPINGOK NINGONTI 12:28

Ningon srenti ne puig di bie ndam njap di jei bibor ri. No di kak puig di kinei ningat rima ndam nimai.

YEHEZKIEL 11:12

Mijikan tut bipia Dani ne tuhan rin ba, dikes hukum ei je dip drek dip gi jipigau Ditde nidimigsi nya ba, jiba jikou yai Ditde nicukti nya leu lene jibit ngkiai nya di ibong ttai je nya ide niggai serti nya.”

YEHEZKIEL 18:10

Noro gino no dima yai nipmot di pos ndiyok leu tungwatu nya bihwen yok cem bita nibou ei niyai munti di mbuk bibor,

YEHEZKIEL 18:17

bimbres nonti leu sisar hagom lene com mitiei bak tungwatu nya nok ningwam kin gi brim nibittemti leu yok bi. Ningat ne no dima bit diggai serti nya biyok ngon kep dicukti nya. No dima mitug ndei nimai drek dip nicig nide sisar nya bi lewo noni hek tut niyaisi.

YEHEZKIEL 18:19

Mpaba tungwagom hig simber Da ‘Nggon rino no dima tug midut drek dip nicig nide sisar nya bi i?’ Lene midibuhup bipia nipmot singat ba, ningon sren cem. Noni ba ningon di gom bibit diggai serti nya. Gima rino noni hek tut niyaisi.

YEHEZKIEL 20:11

Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.

YEHEZKIEL 20:13

Noro tirigi ingat rin ei iggum ndigsi ne yaham imbuk kep Da. Itunggwei Ditde nicukti nya birok Ditde niggai serti nya di bindei ba, yo di ice tut bibit nya igyaijo ba, ide njap jei. Ibindei ba, map kui Njap Nigwam Kep Ninghuisi bibor. Gima rino ditin ei mem gima dikes Ditde nigga biborti ei yok dip ba, dibindei sar yok cem ei iggum ndigsi.

YEHEZKIEL 33:15

bitut gi tug mun di bindo hanyen bak no di dahat ningwam leu noni ba, tug mun di noni nggimang hanyen bak niceu bibon sisar bu bi noro bit niggai serti di bie ndam niyaijo di kei bibor ne no dima mitug ndei nimai bi.

YEHEZKIEL 36:27

Midikes Dinnei ei jingonti bidipijuk je leu binhyepo jibit Ditde niggai serti kin Ditde nicuk jeti nya hagom.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

IMAM NYA IDE MIDYAI 18:5

Ma jibit dimbrap tutti nya kin diggai serti nya di diyai bak jeni. Gino jiyai nok gima lene jingwes ngun. Dani ne tuhan ri.”

AMOS 5:14

Ma jita jibou ei jiyai munti di kei bibor keiti lene ma jibon mun di mbuk au. Apino mijiyai niyaijo. Leu api tuhan Di Sindem Bibor ningat rin bit je nijit bit leu nok jipai ei juhui him tut Noni.

AMOS 5:24

Ma jibrim jingkek leu binhyepo nikei nikos tutti di sren kei biam nok minyei di biam sindem ba, ningon sren-srausi biam bidem kep minyei di pingge kan bi cem.

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

YOHANES 14:21

No di ce tut bibit Ditde nicukti nya ningon ngakei Da. Dicig ningon ngakei no di ningon ngakei Da. Dani cem dingon ngakei noni bidindo Danti brei bak.”

KISAH 24:16

Gima rino dita dibou ei dingon mien di kwes kin Allah kin tungwatuti kikau.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 8:1

Nogindini Allah mikes hukum ei yo di inok gom kin Kristus Yesus dip bi.

NINDAT KEP TUHAN NICUKTI NYA 11:1

“Ma jingon ngakei jide tuhan Allah ba, jice tut jibit nicuk jeti nya hagom.

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 5:1

Lene Musa nduk mben Israel yahagom kwei ba, idem yam ei su leu api noni pai biyok “Disut bat jen, ma jingig jitingou mem niggai serti nya di diyai bije njap di ammani hagom. Ma jingginau yam tut nicukti dima yok ba, jiba jingon di gom bibit hak.

NINDAT KEP TUHAN NICUKTI NYA 6:25

Gino nyeni iba ingon di gom bibit nicuk nyeti nya hagom lene Noni mijoi sut nye.’ ”

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NIGOM 3:7

Dimunggwom bat jen, ma jisindui sut ba, hi bindei srawir je au. No di yai kikep Allah ningon kanti mem noni ningon sren bit leu nok Kristus cem ningon sren.