YEHEZKIEL 18:8 - ALLAH NIHYET MEM TUNGWATU NYA

⁸ Noni com mitiei bak tungwatu nya nok ningwam kin gi brim nibittemti leu yok bi. Noni mbres nonti leu sisar nyeng hagom. Gino tungwatu nya ighyet sror kui yam lene noni gwam nok nikei di ningon sren bikos tut mun di srou yok.

YEHEZKIEL 18:8 ပူးပေါင်းရင်းမြစ်များ

SAMUEL GI NICAN 22:24

tuhan kan tut bipia mun di kinei hi rap da bi ba, doom danti ei minu ting leu mun di kinei.

NEHEMIA 5:15

Nibou hanjop di igyai midyai nipou tirigi diyai midyai bram yo bigyo dima yahagom ikes mun di buhun ei limwa nya inghat dip bibrim mitiei perak ningot bitai bikwop njap-njap mem njita kin ba anggur ngei leu yok. Lene yo di igya kui nibou pima yok cem ico kep limwa nya. Noro dittin tut Allah bidikuk da bak. Gima rino diyai bram igyaisi dima bi.

MAZMUR 15:5

di tri mitiei ngwam noro kum ei gi bitugti bi di kou sut gima hi ngot kep noni tirigi noni mbrap gau no di ningon ngun ei nikei noho bei ri. No di niyai munti nya nok gima mibong kei migwam kei bijo ninno bijo kikau.

NEHEI LEUSI 22:25

Gino jiyai mitiei ngwam bak Ditde limwa nya di yuhui mbum lene jibon jenti nok yo di igya tindei mitiei ngwam ba, jikak tut bikum ei gi ibitugti au.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.

YEREMIA 15:10

Dingon kinei bibor! Nggon rino dipmem srek tut da i? Suar disrep tut bikwop timiei minu dini bidipai kep yahagom. Mbro nok gino ditde ningwam jo bak yo di hiter bi ba, yo di hiter cem ide ningwam jo bida bi lo, yahagom imbriom da.

YEHEZKIEL 11:12

Mijikan tut bipia Dani ne tuhan rin ba, dikes hukum ei je dip drek dip gi jipigau Ditde nidimigsi nya ba, jiba jikou yai Ditde nicukti nya leu lene jibit ngkiai nya di ibong ttai je nya ide niggai serti nya.”

YEHEZKIEL 18:13

lene com mitiei bak tungwatu nya leu binhyepo iba hi bitem hanyen binoni e? No dima hek tut niyaisi e? E bi! Mun di mbuk bibor di noni bibon pima hagom bindei ba, noni mitug ndei nimai drek dip. Noni mibiang nide sisar nibuhunti bitug ndei nimai.

YEHEZKIEL 18:17

bimbres nonti leu sisar hagom lene com mitiei bak tungwatu nya nok ningwam kin gi brim nibittemti leu yok bi. Ningat ne no dima bit diggai serti nya biyok ngon kep dicukti nya. No dima mitug ndei nimai drek dip nicig nide sisar nya bi lewo noni hek tut niyaisi.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

IMAM NYA IDE MIDYAI 19:35

Harin dima jiba meter kin kilo kin brek ngwak di igbit bi nya biris bak nindigsi nya a.

ZAKHARIA 8:16

Gini ne nicukti di suar jiyai kep nya ri. Gino jimbrap bit yam lene ma jipai mun di igbit biyam. Ma nikei nikos tutti nya hagom sren kei ba, biyai nibong kei nigwam kei.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

NINDAT KEP TUHAN NICUKTI NYA 23:21

Gino jipreu mun nyeng hi ei mem jide tuhan Allah tug hon neheng lene ma jitum jingon tut mun di jipreu ei dima au. Lewo jide tuhan Allah yok ningon mem mun nyeng di jipreu ei dima kikau ba, gino jiyai bipek kep bi lene gima nok sisar di jibon tut Noni.