YEHEZKIEL 18:7 - ALLAH NIHYET MEM TUNGWATU NYA

⁷ ris ei tungwatu nyati binggimang ndiyok leu yok cem bi. Noro noni tug mun di bindo hanyen bak no di dahat mun nyeng hi leu noni bingondut yo di yuhui mbum biyai njita biyok cem yai sinsun bak no di nyeng tut sinsun hi bi cem.

YEHEZKIEL 18:7 ပူးပေါင်းရင်းမြစ်များ

YEHEZKIEL 18:16

bico kep tungwatu nya binggimang ndiyok leu yok cem bi. Noni tug mun di bindo hanyen bak no di dahat mun nyeng hi leu noni bingondut yo di yuhui mbum bikwas njita tut yok cem yai sinsun bak no di nyeng tut sinsun hi bi cem,

YEHEZKIEL 18:12

ris ei yo di yuhui mbum nyati cem nggimang ndiyok igkei cem tug mun di bindo hanyen bak no di dahat mun nyeng hi leu noni bi cem ba, ug cem kep mpia di yo di ingon tindur nya ipigig ser mem ide kwar di mpiei bibor nya bikuk no bak,

NEHEI LEUSI 22:26

Gino tungwagom kes nide sinsun ndok di jei ei jindati nok bitak kep je tut mitiei ngwam jide lene ma suar jitug sinsun dima hanyen binoni nipou tirigi mpia kimbas bigyo.

YEHEZKIEL 33:15

bitut gi tug mun di bindo hanyen bak no di dahat ningwam leu noni ba, tug mun di noni nggimang hanyen bak niceu bibon sisar bu bi noro bit niggai serti di bie ndam niyaijo di kei bibor ne no dima mitug ndei nimai bi.

LUKAS 3:11

Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

AMOS 2:8

Tungwatu nya ibong tut sinsun di ipos leu yo di yuhui mbum nya bidem ig mbusyameisi nya nok mun di bindo bipia yo dima mirop ide ningwam biyok bidem ig. Lene idut ba anggur ngei di ipos leu yo di ikum ide ningwam biyok bigyo nya ei Allah De Ig cem.

YEHEZKIEL 18:18

Noro nicig ris ei tungwatu nyati binggimang ndiyok leu yok cem mbuk tut yahagom igkei cem ba, no dima mitug ndei nimai drek dip sisar di bon nya.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MIKHA 3:2

noro jingon mpo tut mun di kei leu api jiba joho rok mun di mbuk. Jeet Ditde limwa nya ingkek leu bijicug inghui bingwig leu injum nya.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

AMOS 6:3

Jingkek ndok bijikan bipia njap di buhun bibor no ting yo. Noro jiyai munti nya bindei ba, njap dima dideu su!

YEHEZKIEL 7:23

Minu hagom jo nisinsiouti. Niyai nimai biyamti kieng kep hagom ba, nimbuk tut yamti jo bidem minu ndig titut yam.

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

NIPINGOK NINGONTI 28:27

No di ngondut nuhui mbum nya nuhui mbum bi sren. Noro tungwatu nya mirom ighyet kui na gino angkek ndok tut nuhui mbum nya.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

NIPINGOK NINGONTI 14:31

No di ngondut nuhui mbum nya kuk no bak Allah noro no di hwen bit nuhui mbum nya nihyet tigut Allah di pai tes yok nya.

NIPINGOK NINGONTI 3:31

Ma abou dut tut yo di iba ide nisibut biborti bipos mun ba, ayai bram igyaisi cem au.

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

MAZMUR 112:4

Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 41:1

Doia Daud mem no di bie tut doia nimpung.

AYUB 24:9

Yo di isibut nya yuubon munggwom di ibon ipmem-icig bi bikat yok nok awak nya lene ibiyai nuhui mbum nya di ibon ningwam bak imunggwom cem bima leu.

AYUB 24:3

Yo dima imbrai keledai di moibihi nya ide binang tut. Lene ipos sapi di kibom nya ide mem gima ibiti ide ningwam bibou irop ningwam hanyen biyok ug e.

AYUB 22:6

Gino ade adig-ajoi hi rop nide ningwam bi lene apos nide sinsun nya hagom leu noni drek dip ba,

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

NEHEI LEUSI 23:9

Ma jiba jingon di can bibon ngkiai nya au. Lewo jikan kep notou mben Mesir yuubon je tirigi po jinok awak ei jingkiaisi pima.”

AMOS 2:6

tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem.

IMAM NYA IDE MIDYAI 25:14

Gima rino gino jitri dihyei hanjop nsi hi bak je di mben Israel gom di jitig mbier tut yam ba, jipek dihyei hanjop nsi gom leu yam cem lene ma jiba jingon di gom bitri-bipek dihyei dima.

IMAM NYA IDE MIDYAI 19:13

Ma jiba ningon di kwes bibon nindigsi nya lene ma jipos ndiyok leu yok au. Nok gima cem ma jingon tak kep no di yai midyai mem je nimuhup mem mmun-njap gom cem au.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

NEHEI LEUSI 22:25

Gino jiyai mitiei ngwam bak Ditde limwa nya di yuhui mbum lene jibon jenti nok yo di igya tindei mitiei ngwam ba, jikak tut bikum ei gi ibitugti au.

NEHEMIA 5:10

Danti kin ditde adig-ajoi nya kin disut bat nya nahagom nidahat ide mitiei ngwam kin gandum ngwam bak limwa nya lo, hon kep ammani kui lene minibrim mun dima yok hanyen leu yok bu bi.