YEHEZKIEL 18:2 - ALLAH NIHYET MEM TUNGWATU NYA

² “Nggon rino tungwatu nya ei minu Israel indat-ndat nyen nihyet nibiti ninda dini i? ‘Andigpoi nya igyem ba anggur ngat di hyenha di bindei ba, imunggwom bat nya ikwai hyenha.’

YEHEZKIEL 18:2 ပူးပေါင်းရင်းမြစ်များ

AYUB 21:19

Jipai bipia “Allah kes hukum ei munggwom nya dip drek dip icig bat nya ide sisar.” Noro danti dipai bipia e bi! Suar Allah kes hukum ei yo di ibon sisar nya yonti dip. Leu binhyepo ingon huk niti bipia yonti ide sisar rino bindei di Allah kes Nide hukum ei yok dip a.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

YESAYA 3:15

Nggon rino jico kep Ditde limwa nya bijiyem yo di yuhui mbum nya imuhup i? Da di tuhan Di Dinyeng Jei di Sindem Bibor cem disimbot dat tu.”

YEREMIA 15:4

Midibindei ba, tungwatu dihyeisi dini hagom igyai ngkek ttin ser yok drek dip Manasye di Hizkia nipmot niyai munti nya ei minu ndig Yerusalem tirigi ninyeng tak kep timiei Yehuda binok nibou ndig mem yok.”

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

YEHEZKIEL 12:22

“Na di tungwatu di ayaijo kikau bi e, nggon rino mben Israel ijoi sut indat kep nihyet nibiti nindati dini nyen-nyen i? Ipai ‘Nijam luei nijam sindam noro mun di itri tut bipia mipek kep ei nidipti bu dima pek kep bi.’

YEHEZKIEL 16:44

tuhan pai “Minu ndig Yerusalem e, tungwatu nya miba nihyet nibiti nindati dini bipai nani ‘Nipmisop dat nipmemti.’

YEHEZKIEL 17:12

“Ahig ser naham nimbuk kep Allahti di nijit cig dima yok bipia ingon huk niti tut nihyet nibiti nindati dima e? Apai biyok bipia nibou ndig minu Babel kwei ei minu ndig Yerusalem bikat nibou ndig Yehuda bitut yo di igya kui noni di ibong ei minu ndig dima yahagom buug sut ug ei minu Babel tu.

YEHEZKIEL 18:1

Lene tuhan pai bida,

YEHEZKIEL 18:19

Mpaba tungwagom hig simber Da ‘Nggon rino no dima tug midut drek dip nicig nide sisar nya bi i?’ Lene midibuhup bipia nipmot singat ba, ningon sren cem. Noni ba ningon di gom bibit diggai serti nya. Gima rino noni hek tut niyaisi.

YEHEZKIEL 18:3

Deheng bitug hon Danti di Allah di niyaijo kin tuhan Di Dinyeng Jei Bibor cem dinyeng bipia ma je di mben Israel jindat kep nihyet nibiti nindati dima bu au.

YEHEZKIEL 25:3

Ma acuk mben dima leu binhyepo ingig itingou mem nisokti di Da Di tuhan Di Dinyeng Jei Bibor dipai biyok, ‘Ingon kei kep Ditde Ig di map kui kin dihyei Israel nitimek bingwigsi kin mben Yahudi di isima ug ei ingkiaisi.

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

YEHEZKIEL 37:19

apai biyok bipia Da di tuhan Di Dinyeng Jei Bibor midiyai tom di ndo tut mben Israel leu api midibinut kin tom di ndo tut mben Yehuda. Midipai tes tom cin dima binok tom gom ngat ei dindati.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

YEHEZKIEL 7:2

“Na di tungwatu di ayaijo kikau bi e, Da di tuhan Di Dinyeng Jei Bibor dipai bak dihyei Israel bipia gini ne jam dem mem minu dini titut yam niyaijo ningwig honti ri!”

MATIUS 23:36

Ma jiyok ngon kep bipia tungwatu nya nijam dini itug ndei hukum drek dip yo dima yahagom imaisi!”

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!