YEHEZKIEL 17:24 - ALLAH NIHYET MEM TUNGWATU NYA

²⁴ Biei nindigsi nya ei minu dima hagom mingon huk niti bipia Dani ne tuhan ri. Diwim biei di jei ndig nya lene dibindei ba, biei mon nya hei bijei ndig. Dibindei biei di ngun-ngau nya mui bingak-cai lene dibindei ba, biei di mui nya nikioi tug hanyen ba, bimahan kep. Da di tuhan disimbot dat tu ba, mun di dipai nya hagom mipek kep.”

YEHEZKIEL 17:24 ပူးပေါင်းရင်းမြစ်များ

AMOS 9:11

tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

YEHEZKIEL 24:14

Da di tuhan Di Dinyeng Jei Bibor disimbot dat tu. Njap ngon bou dem mem gima dibindei nani tu. Midibbwe ser ade sisar bidikos ser bi. Ba, dingondut nani cem bi. Atug ndei hukum drek dip ade nibon munti nya hagom. Da di tuhan Di Dinyeng Jei Bibor disimbot dat tu.”

YESAYA 26:5

tuhan cut yo di ingon jei inyeng ba, bindei timek minu ndig di ide nya di bon ngug tig cem ba, nggek bisur yam kin dihyei ninjek dip.

YEHEZKIEL 22:14

Tirigi Dikes hukum ei na dip bingwig leu lo, no abrim angkek ba, asindem mem gima akon anda yo e? Da di tuhan Di Dinyeng Jei Bibor disimbot dat tu ba, diyai mun bipek kep mun di dipai ei su nya.

YEHEZKIEL 21:26

Da di tuhan Di Dinyeng Jei Bibor disimbot dat tu. Akon ade topi nibou ndig ba, akes leu abou lene abikau minghas di abinggai abou cem hak leu abou a. Nogindini mun nyeng hagom luei nita tu. Akon nuhui mbum nya inyeng ba, ayai ninyeng jei biyok! Acut yo di inyeng jei leu ide ninyeng jeisi hak!

YEHEZKIEL 12:25

Da di tuhan Di Dinyeng Jei Bibor dimbrap bit mben Israel bu ba, mun di dipai nya hagom micut igkep yok ba, miditum dingon tut gima bu bi. Je di nimpung naham nimbuk kep Allah e, ma jingig jitingou mem! Dibindei mbut mun nyeng hagom di disok kep je tut nya mem nijam di jiyaijo yo dini. Da di tuhan Di Dinyeng Jei Bibor disimbot dat tu.”

AYUB 5:11

Noni ne Allah gom ngat di bindei ba, yo di igyai mun mmuti itug ndei inyeng di jei ba, yo di ingon ngguk bibor nya igyai nillei.

LUKAS 1:33

Ninyeng mitak kep yo di intun Yakub him yahagom bijo ninno ba, ninyeng tak kepti cem muug hon nohonti bi sren!”

MATIUS 24:35

Mpia-bbed him kin dihyeisi dini misar noro Da dihyet misar bi sren.”

MAZMUR 89:45

Abindei ba, nide nisindemti ug hon nohonti ba, anjei nide banggo mbrei ug ei dihyeiti tu.

MAZMUR 89:38

Nide ninyeng tak kep limwa nyati mijo ninno bijo kikau dem kep nok bed mmun di mian ser mun nyeng hagom tirigi jo nai bumbuhui.”

AYUB 40:12

Igbit ri! Ma angig ayai kep yo di inggei-nggwang tut yonti leu api abindei ba, ikuk yok ei aho bei. Ma aco kep yo di isibut nya ei igyati.

LUKAS 21:33

Mpia-bbed him kin dihyeisi dini misar noro Da dihyet misar bi sren.”

MBEN ISRAEL IMBUT-MBUT NYEN 17:8

Njapti kui tirigi Musa coi ug ei tuhan De Prak Meng nsi lene ngat lo, Harun de tom di nok tom keret Lewi pima nibiop tug su ba, nimar ntun him ba, bibon nitou bingat biei ngat ketapang di nggwop tu cem!

YESAYA 22:19

Gima rino midicut na leu ade midyai di ayai kep ba, midibindei juk na leu ade ninyeng jeisi.

YEHEZKIEL 18:1

Lene tuhan pai bida,

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

DANIEL 5:21

Tungwatu nya ijji noni ug ei minu ting leu yok leu api ningon tungwatu bu bi noro ningon mindhe he. Noni ya-ya nyen bit keledai bigbehei nya biyem kep abris nggrup noyam kin sapi nya cem bibong bas hak ba, nggou kui noti cem. Gima hagom kikau leu api ningon hukti bipia Allah Di Ninyeng Jei Bibor ninyeng tak kep nibou ndig dihyeisi dini bitut ide ninyeng tak kepti nya hagom. Allah Nongkom he rino ta nibou nya bit leu ningon kanti.

YEHEZKIEL 37:14

Midihi dinnei ug ei insi leu binhyepo ikiju bigyaijo hanyen leu api disindui sut ba, ibong ser itimieisi hanyen. Mpe dima lene yoni mikan mungkun tut bipia Dani ne tuhan ri. Da di tuhan disimbot dat tu. Midiyai hagom bit leu nok gi dipreu ei mem yok.”