YEHEZKIEL 16:44 - ALLAH NIHYET MEM TUNGWATU NYA

⁴⁴ tuhan pai “Minu ndig Yerusalem e, tungwatu nya miba nihyet nibiti nindati dini bipai nani ‘Nipmisop dat nipmemti.’

YEHEZKIEL 16:44 ပူးပေါင်းရင်းမြစ်များ

EZRA 9:1

Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

SAMUEL GI NIGOM 24:13

Ma tuhan mbus singonti leu binhyepo ndo igbit gi hi di bon mun tunggwei! Handei kon ba, Noni mibirop bak na di Andigpoi drek dip gi abibon da kinei lewo dimbuk tut na di Andigpoi poi mien cem bi.

YEHEZKIEL 16:45

Ningat ne apmem nipmisop rino nani. Ningon kinei sut nonti nijjep kin nimunggwom bat nya. Adat ade adig-ajoi nisop nya di ingon kinei sut ijjep bat nya kin imunggwom bat nyati. Nani kin ade adig-ajoi di inok minu ndig di jo ttai na nya ipmem rino mben Het lene icig rino mben Amori.

YEHEZKIEL 16:3

tuhan Di Ninyeng Jei Bibor cuk da leu binhyepo ditri tut nisok ei da dip dini bak minu ndig Yerusalem “Na di minu ndig Yerusalem e, asrek ei minu Kanaan. Acig mben Amori. Lene apmem mben Het.

NIBOU NDIG NYA GI NICAN 21:9

Noro timiei Yehuda nya igibit tuhan nihyet bi. Manasye bindei ba, ibon kep sisar di kinei bibor nya. Ibon sisarti dima kinei bibor bidor tunggwei mben di tuhan jji yok leu minu Kanaan ei mpe di po limwa Israel icoi ei ide minu pima ide sisar di ibon kep nya.

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

NIBOU NDIG NYA GI NICAN 17:11

Indig biei nggrai di ui-gwang kei ei nimbar hum ndok hagomti bak ide kwar noyam kin mben nya di tuhan jji yok leu minu Kanaan tu ibon kepti nya. Mbro nok gino tuhan ggai ser nikuk yo bak kwar nyati lo, ibisinggre bikuk yok bak. Ibon munti di kinei bibor nya hagom bindei ba, tuhan gga yok nindig bibor.

NIBOU NDIG NYA GI NIGOM 21:16

Leu api Ahab ug ei ba anggur nghousi pima bisrin ser ei mem nonti.

YEHEZKIEL 12:22

“Na di tungwatu di ayaijo kikau bi e, nggon rino mben Israel ijoi sut indat kep nihyet nibiti nindati dini nyen-nyen i? Ipai ‘Nijam luei nijam sindam noro mun di itri tut bipia mipek kep ei nidipti bu dima pek kep bi.’

YEHEZKIEL 12:23

Nogindini ma atri tut biyok bipia Da di tuhan Di Dinyeng Jei Bibor dibuhup: Mididip tut nihyet nibiti nindati dima. Apino indat kep gima ei Israel bu bi. Ma apai biyok bipia nihyet di biluei nihyet dima bu pai biyok bipia nijam tau ba, nimbot kepti nya sindi pek kep tu.