YEHEZKIEL 16:41 - ALLAH NIHYET MEM TUNGWATU NYA

⁴¹ Indig ade ig nya hagom lene induk sop nya kwei mem gima ingat hukum di cut igkep na bou igyai him. Tug hon nisinati dima lene dibindei ade nicut tut pinai nyati bikes hon apino ma akwas mun di kei tut pinai di abou buwei kep yok nya bu bi.

YEHEZKIEL 16:41 ပူးပေါင်းရင်းမြစ်များ

YEHEZKIEL 23:48

Midicok tut yo di iba yoho rok sisar nicut tut yamti dima leu minu dini nisurti-nipekti. Ditde niyai munti dima mibisok kep bikwop sop nya yahagom leu binhyepo igyok ngon kep ba, icut ei sisar nicut tut yamti nok sop cin dima au.

YEHEZKIEL 23:27

Tug hon nisinati dima midibindei ba, akes hon ade nikrar kepti kin ade nicut tut pinaisi nya di abon habiei mpe di po angat rin ei minu Mesir pima hagom. Aba angon com kwar di tungwatu nya ikuk yok bak ba, ayok ngon kep minu Mesir cem bu bi.”

YEREMIA 52:13

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek bingwig ba,

YEREMIA 39:8

Tentara Babel nya inda jo kep bindig nibou ndig de ig kin ig ngot di limwa nya ide ba, inggek ngug tig di bikrop ttai minu ndig Yerusalem cem.

NIBOU NDIG NYA GI NICAN 25:9

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek.

YEHEZKIEL 23:10

Mben Asyur iba yo yai noni bijuk sinsun leu noni apino ya tut nijou hangwangti. Leu api iba singau simeda biyai nimai bak lene ibipos nimunggwom bat nya cem. Niyai munti dima bindei ba, nimpung sop nya ipui kep ninghapti tirima-tirima.

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

NINDAT KEP TUHAN NICUKTI NYA 13:16

Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

TIMOTIUS GI NIGOM 5:20

Bikwop nibou di ingon mui nya ne ma asok kep yok ngkiem ser ei yo di mbusyamei yahagom igyai him leu binhyepo nindigsi nya ittin ser.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 2:18

Kwar di tungwatu nya ikuk yok bak nya cem misar bihigom.

AYUB 34:26

Noni ttem yok drek dip ide sisar bikes hukum ei yok dip brei bou tungwatu nya igyai him,

NINDAT KEP TUHAN NICUKTI NYA 22:24

lene suar jikri yok ug ei minu ndig dima nisai lene jiba tig bihwen yahacem bimai. Suar sop gwam nitta pilei dima tug ndei nimai lewo mbro nok gino bong ei minu ndig dideu tungwatu nya di itingou dile tut nihyet lo, hara tut bi. Lene suar pinai dima tug ndei nimai lewo yem njita tut sop di hiter yok wa kep tu. Mijicok tut sisar di kinei dima tug hon gi jiyai nimai bak yo cin dima.

NINDAT KEP TUHAN NICUKTI NYA 22:21

lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.

NINDAT KEP TUHAN NICUKTI NYA 13:11

Nok gima lene tirigi mben Israel imiap nibimbiti tut hukum di cut igkep no dima lene yoni midigit tut nindig bibor apino hi miyai bram no dima niyaisi bibon sisar nok gima bu bi sren.

YEHEZKIEL 11:9

Midibuwak je leu minu ndig dini bidikes je bak ngkiai nya lewo dijem nimai gau je tu.

YEHEZKIEL 16:33

Pinai di icut tut sop mmun nya iba mitiei bigo yok. Noro ayai nok gima bi. Nani rino akwas mun di kei tut pinai nya di abou buwei kep yok. Aba mitiei bihwen ingon leu binhyepo ikwei leu nima kwei-nima kwei bicut tut na.

YEHEZKIEL 5:15

Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.