YEHEZKIEL 16:3 - ALLAH NIHYET MEM TUNGWATU NYA

³ tuhan Di Ninyeng Jei Bibor cuk da leu binhyepo ditri tut nisok ei da dip dini bak minu ndig Yerusalem “Na di minu ndig Yerusalem e, asrek ei minu Kanaan. Acig mben Amori. Lene apmem mben Het.

YEHEZKIEL 16:3 ပူးပေါင်းရင်းမြစ်များ

NITRITI 11:25

Nahor yai Terah leu api nide njap ug ei ari bingwam sratus gom ba, simnaimuhwidip brimigtehibitai bu ba, noni yai nipmot bat nya hi kin bu.

NITRITI 11:29

Lene Abram wak nitnem Sarai ba, Nahor wak nitnem Milka di Haran nipmisop lene Haran yai nipmot gom bu di ninyeng Yiska.

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NIBOU NDIG NYA GI NIGOM 21:26

Ahab bon sisar di mpiei bibor tirigi noni kuk no bak kwar nya noyam kin mben Amori po Allah jji yok bingwig leu ide dihyei hanjop nsi tirigi mben Israel sindi ikieng kep minu Kanaan pima.

NIBOU NDIG NYA GI NICAN 21:11

“Nibou Ndig Manasye niyai munti nya kinei bibor. Niyai munti nya kinei bibor dor njiriek mben Kanaan ibon munti nya bu. Noni bindei ba, timiei Yehuda nya icut ei sisarti tug hon kwar di ikuk yok bak nya.

EZRA 9:1

Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

NEHEMIA 9:7

tuhan e, Nangkom ne Allah ri. Adimig Abram leu nide mben ikieti leu api abuwak noni kwei leu minu ndig Ur ei minu Babel. Hon kep njap dima bikui ne ajem ninyeng Abraham.

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YESAYA 43:27

Pung di jintun him habiei ei nimbie him pima bon sisar ba, jide nibou nya yaham imbuk kep Da tu ba,

YEHEZKIEL 16:2

“Na di tungwatu di ayaijo kikau bi e, ma ando minu ndig Yerusalem nibon munti di kinei bibor di bon tu nya bak.”

YEHEZKIEL 16:4

Mpe di asrekti lene hi di kos abrum leu cem krau na ba, akek minyeiti cem ba nsim bidip na cem ba sre nghas binggai na cem bi.

YEHEZKIEL 16:45

Ningat ne apmem nipmisop rino nani. Ningon kinei sut nonti nijjep kin nimunggwom bat nya. Adat ade adig-ajoi nisop nya di ingon kinei sut ijjep bat nya kin imunggwom bat nyati. Nani kin ade adig-ajoi di inok minu ndig di jo ttai na nya ipmem rino mben Het lene icig rino mben Amori.

YEHEZKIEL 21:30

Je di mben Amon e, jijus jide singau simeda hanyen ei nahamti! Midimbus jingonti ei mpia di dipai tes je kin mpia di jisrek eisi cem.

MATIUS 11:24

Ma jiyok ngon kep bipia tirigi Njap dem mem Allah kes hukum ei tungwatu nya dip ne ningon minggriu bibor tut timiei minu ndig Sodom dor njiriek jeni.”

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 3:7

Tungwatu nya imang bibor ikwei ngat Yohanes ba, ijoi sut gima igyai nitur yok ei minyeiti. Noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

NINDAT KEP TUHAN NICUKTI NYA 20:17

Suar jibindei sar mben Het kin mben Amori kin mben Kanaan kin mben Feris kin mben Hewi kin mben Yebus yahagom bit leu nok jide tuhan Allah nicuk jeti.

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.