YEHEZKIEL 16:18 - ALLAH NIHYET MEM TUNGWATU NYA

¹⁸ Ajuk sinsun di iba mong di nggriu-nggrop kei bibien di diyai bina ei kwar dima yoti. Lene aba mini zaitun kin biei nggrai di ui-gwang kei di diyai bina bikuk na bak.

YEHEZKIEL 16:18 ပူးပေါင်းရင်းမြစ်များ

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 16:10

Leu api dijuk sinsun sop di ibien he kin srop di iba mindhe ngkek di nggriu-nggrop kei bibon kin mun nibingot nibou di iba minghas linen binap kin sinsun ndok sutra di jei di cut di gwam amig ggom di leu sutra ei nati.

YEHEZKIEL 16:17

Aba mas kin perak di diyai bina bibon kwar di noyam kin pinai nya leu api acut tut yok.

YEHEZKIEL 16:19

Diyai njita nok tepun di kei bibor kei kin ahwei lon kin mini zaitun di pimbai kei bina. Noro aba gima yok hagom bikuk na bak kwar nya leu binhyepo abipwoi ingona. Da di tuhan Di Dinyeng Jei Bibor disimbot dat tu.

YEHEZKIEL 27:16

Nitri-nipek mun cig di ikwei leu minu Siria ipek ade mun di atri nya kin mun di abon bou anda him ningat mang bibor dima cem. Iba tig permata zamrud kin delima kin hi di iba bor bibon cem kin minghas ningwoi nghei nta kin minghas nibien he kin minghas linen cem hagom bigo ndigban di ipek leu na nya.

NINDAT KEP TUHAN NICUKTI NYA 32:38

Lewo kwar di ikuk yok bak dima yok igyem mindhe-ndhe di jibui mem yok nimmau ba, idut ba anggur ningei di juhug mem yok. Nogindini ma ikwei mpu je ba, idor kwei biteu je leu.

YEREMIA 1:16

Midikes hukum ei Ditde limwa nya dip drek dip ide sisar. Yoni iba inghim bak Dani ba, ibon midut bak nung di ikuk yok bak cem ibon kwar bou inda him bikuk yok bak cem tu.

YEHEZKIEL 23:41

Leu api igwam ei bilen nibongti di kei-kau. Meja di mpung tut njita di itin ei su nya jo yoho bei a. Njita dima yok bitut biei nggrai di ui-gwang kei kin mini zaitun di diyai biyok tu nya cem ri.

HOSEA 2:7

Noni muhuk bram pinai di icut tut noni noro bit bon hatap yok kan bi. Noni minggok ser yok noro ngat yok bou niyai him cem bi. Noni mikan ‘Nnaba singkwei bisibong bit sijjep ndig hanyen lewo noni nyohou sa nok gi kei dor njiriek yo di icut tut sa pima yok.’