YEHEZKIEL 16:10 - ALLAH NIHYET MEM TUNGWATU NYA

¹⁰ Leu api dijuk sinsun sop di ibien he kin srop di iba mindhe ngkek di nggriu-nggrop kei bibon kin mun nibingot nibou di iba minghas linen binap kin sinsun ndok sutra di jei di cut di gwam amig ggom di leu sutra ei nati.

YEHEZKIEL 16:10 ပူးပေါင်းရင်းမြစ်များ

YEHEZKIEL 16:18

Ajuk sinsun di iba mong di nggriu-nggrop kei bibien di diyai bina ei kwar dima yoti. Lene aba mini zaitun kin biei nggrai di ui-gwang kei di diyai bina bikuk na bak.

YEHEZKIEL 16:13

Aba mas kin perak bimau na ba, ajuk sinsun di iba minghas linen kin minghas sutra bibien he. Lene ayem roti di iba tepun di kei bibor kei bikang kin ahwei lon kin mini zaitun. Ade nuubbuti bibor he ba, awer na nok nibou ndig nitnem hi ri.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

NEHEI LEUSI 26:36

Lene abon ninghas meng gom kin bu mem gima ndun ser dimbou huigya. Aba minyahas linen di dia-diau kei bibon ninghas meng dini ba, abien mong wol nimmun kin nghei nta kin gi ningwoi eisi. Lene abien ninghas him nya cem bu.

NINGAT-HI-NGAT NYA 19:8

Noni juk sinsun linen di jimjit.” (Sinsun dima ne Allah de limwa nya igyai munti di kei bibor nya ri.)

LUKAS 15:22

Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti.

YEHEZKIEL 27:16

Nitri-nipek mun cig di ikwei leu minu Siria ipek ade mun di atri nya kin mun di abon bou anda him ningat mang bibor dima cem. Iba tig permata zamrud kin delima kin hi di iba bor bibon cem kin minghas ningwoi nghei nta kin minghas nibien he kin minghas linen cem hagom bigo ndigban di ipek leu na nya.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

NEHEI LEUSI 28:5

Ma yo di inap sinsun kan nya iba minyahas wol di nimmun kin nghei nta kin gi ningwoi kin mong mas kin linen di dia-diau kei binap sinsun dima yok hagom.

NEHEI LEUSI 26:14

Lene aba domba nikre ningkek di ningwoi bibon prak meng gom ba, aba mindhe-ndhe hiter ningkek di kei bibor kei bibon prak meng gom kin bu mem gima abimie kep Prak Meng di jo bijehei pima.

NITRITI 41:42

Lene Firaun juk nide srak mas nimien di cap ninyeng tak kep joti leu ninda pijum bibijuk Yusuf ninda pijum. Lene noni juk sinsun ndok di jei di nggriu-nggrop di nibok kak bibor ei noniti biyai mimau mas bisrou nikimam.

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.

NINGAT-HI-NGAT NYA 18:12

Hi dima pek ide mas kin perak kin tig permata kin sriou tiei njep kin minyahas ninyeng biei ngei kin ban ndur kin bicut kin ban cun nya kin mun di iba biei mbrei kin gaja nikwai kin ngkimom-tembaga kin ngkimom nitu kin biei di nibok kui kin tig pualam bibon bou inda him,

YEHEZKIEL 27:7

Iba minghas linen di ibien di kwei leu minu Mesir binap ade sriwir nya binok mun di bindo mem gima hiter ibikan tut akwei leusi. Ade prak meng ne minghas nghei nta di nggriu-nggrop kei di kwei leu Mios Siprus ri.

YEHEZKIEL 26:16

Nibou ndig di inyeng tak kep minu di jo sir muk pimat nya mingat mun di cut igkep na lene mikiju leu ide banggo mbrei bijuk ide sinsun nibou ndig kin sinsun di iba minghas linen bibon bikes ei leu yok. Leu api igwam nidigit-digoiti ei dihyeisi. Ittin bibor ba, gi mbun ingon jo nyahan kan bi.

YEHEZKIEL 16:7

Dinek na ba, andig nok njita kioi di nnum kei. Ba, andig didiyam cem anghuisi kwes cem anghuisi llei cem ba, awer na sop gwam nitta pilei ndig cem. Ba, ado mbuk lene abou nta cem bijei noro ajou hangwang.

NIPINGOK NINGONTI 31:22

Noni bien ban di ndok bingig kep nibongti bijuk sinsun nghei nta di ba minyahas linen di dia-diau kei binap mem nonti.

NEHEI LEUSI 25:5

kin domba nikre ningkek di ihwen bingwoi kei kin mindhe-ndhe nindigsi ningkek di kei bibor kei kin biei meng dia,

MAZMUR 45:15

su no sinsun di nisieng bong yamti. Ibuwak noni bitut nisut bat sop gwam nitta pilei nya di injei bit bikes bak nibou ndig.

YESAYA 3:23

kin sinsun di dile kei kin sinsun di iba minghas linen bibon kin mun di ibingot ikimam kin minghas di nijei di ibinggai ser ibou kin iimaisi cem hagom leu yok.