YEHEZKIEL 15:6 - ALLAH NIHYET MEM TUNGWATU NYA

⁶ Gima rino tuhan Di Ninyeng Jei Bibor pai “Miduubon timiei minu ndig Yerusalem nya noyam kin ba anggur ninjem di diyai leu bigbehei bidindig kep hum!

YEHEZKIEL 15:6 ပူးပေါင်းရင်းမြစ်များ

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”

YEHEZKIEL 15:2

“Na di tungwatu di ayaijo kikau bi e, notou abinai ba anggur ninjem kin biei nindigsi nya i? Gino abinai ba anggur ninjem kin biei bigbehei ninjem lene ma ando gi hi di bon ninyeng dor njiriek hiter nya.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YEREMIA 21:7

Midisindui sut ba, Nibou Ndig Nebukadnezar om ningon tut je bingondut je bi sren. Noni kin nide limwa nya migyai nimai bina kin yo di igya kui na kin yo di ingwes ngun leu pran kin ninggum kin nsuwer ajar cem jahagom. Da di tuhan disimbot dat tu.”

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEHEZKIEL 15:4

Ba anggur ninjem bon ninyeng bi ba, nok biei mui di indig kep hum he. Gino hum yem niyenti cin bijep leu su lene nahacanti cem wer hum ngum leu lene nibon ninyengti no rinaha yo e?

YEHEZKIEL 15:5

Hi bi! Tirigi indig kep hum bigyo ne ninjem bon ninyeng bi. Gino indig kep hum ba, hum yem leu lene bon ninyeng bi bibor!”

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.