YEHEZKIEL 14:8 - ALLAH NIHYET MEM TUNGWATU NYA

⁸ Midiba nitok bak noni ba, duubon noni nok bindo mem nindigsi nya. Dicom noni leu Ditde limwa nya ikieti leu api yoni mikan tut bipia Dani ne tuhan ri.

YEHEZKIEL 14:8 ပူးပေါင်းရင်းမြစ်များ

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

YEHEZKIEL 5:15

Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.

YEREMIA 44:11

Gima rino Da di tuhan Di Disindem Bibor di Allah Israel midihwen je bidibindei timek minu Yehuda titut yam.

YEHEZKIEL 6:7

Tungwatu nya mimai sinsiou tirima-tirima apino yo di ingwes ngun nya mikan tut bipia Dani ne tuhan ri.

YESAYA 65:15

Yo di didimig yok ei su nya miba dinyeng bisigion je bipai “Nna ba tuhan Di Ninyeng Jei Bibor yai nimai bije noyam kin yo dima!” Noro midiyai ninyeng nijep bak yo di ibit Dihyet.

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

ROMA 11:22

Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

YEHEZKIEL 13:23

Nogindini ningat-hi-ngat nitrowai di jingat nya kin jide nisuglai sut mun di mipek kep ei nidipti bu nya hagom kes hon nohonti tu. Diteu Ditde limwa nya bingwes ngun leu jide nisindemti di sibut bibor. Leu api mijikan tut bipia Dani ne tuhan ri.”

YEREMIA 29:22

Gima rino mpe di timiei Yehuda nya di ide siceu nya ikat yok di ikat yok leu minu ndig Yerusalem ug ei minu Babel isigion yam lene ipai ‘Handei kon ba, tuhan bibon na noyam kin Zedekia kin Ahab di nibou ndig minu Babel ndig yok ei humti tut igyaisi hak ug.’

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 21:10

Dikos tut bipia dingondut minu ndig dini bu bi noro dibindei sar hagom bitimek bingwig. Nibou ndig minu Babel miya kep minu ndig dini bindig titut yam bitimek bibor. Da di tuhan disimbot dat tu.”

MAZMUR 37:22

Yo di tuhan bindei ba, ingon nggei-hi-nggei micoi ug ei minu di Noni preu ei mem yok. Noro Noni mibindei ba, yo di itug ndei Nide nisigionti mitug midut.

MAZMUR 34:16

tuhan nyohou yo di ingon sren bingig nitingou mem ighyet tirigi yahara Noni.

MBEN ISRAEL IMBUT-MBUT NYEN 26:10

Leu api dihyei hap niji bipinde yok apino imai bit Korah kin yo di igya kui nya ei mpe di po hum yem pinai ibou sratus can ba, ningot muhwi bisar bingwig pima. Gima ne mun nibiyok ngon kep di bisok kep mben Israel ri.

MBEN ISRAEL IMBUT-MBUT NYEN 19:20

Tungwa tou rino map kui noti lo, bon midut nibindei kwes nonti bi lene map kui noti kikau yo. Lewo hiter ba minyei midut pima biprok noni bi. Tug hon nisinati dima noni bindei ba, map kui tuhan De Prak Meng nsi apino noni nggre kin Ditde limwa nya bu bi.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

IMAM NYA IDE MIDYAI 22:3

Gino jigom di ntun Harun him di map kui noti dideu mun di kwes di mben Israel ibikuk yok bak Dani lene harin dima no dima yai midyai nok imam ei nimbar hum dokti bu a. Nicukti dima bijo ninno bijo kikau. Dani ne tuhan ri.

MBEN ISRAEL IMBUT-MBUT NYEN 16:38

Srier dima ne yo di itug ndei hukum nimai drek dip ide sisar ide munkwas mem tuhan ri. Srier dima yok kwes-kwau lewo yo dima ittei mem ibikuk yok ei tuhan Noho bei. Gima rino suar jitug srier dima bidile ba, jibinggai nimbar hum dok nitta bei nisai. Gima ne ngkimom-tembaga nibiyok ngon kep di mibisok kep mben Israel nindigsi nya ri.”

NINDAT KEP TUHAN NICUKTI NYA 28:46

Mun di buhun dima yok mibindo tut hukum di Allah kes ei jeni kin jide nintun him di bram yam nya dip bijo ninno bijo kikau ri.

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

MAZMUR 34:17

Noro Noni tte tut yo di isibut nya igyai munti di kinei nya. Tirigi imai leu su ne jei bi tungwatu nya ibbwe ser yok bihigom.