YEHEZKIEL 14:5 - ALLAH NIHYET MEM TUNGWATU NYA

⁵ Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

YEHEZKIEL 14:5 ပူးပေါင်းရင်းမြစ်များ

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 2:5

Noni pai, “Jidigup bat-jidigai bat nya ingat Ditde mun di diyai tunggwei hi di bindei dino yaham imbuk kep Da nya rimindei ngan i? Ikuk yok bak kwar di bon ninyeng bi di bindei ba, yonti cem ibon inyeng bi.

HOSEA 10:2

Nogindini suar yo di ingon sren bi dima ibiang ide sisar di ibon nya nibuhunti. Allah mibindei timek nimbar hum dok di ide nya binjei cou tig nibiyok ngon kep ide kwar di ikuk yok bak bitti ningwig yon.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

ROMA 1:30

ipai yam nghapti cem ingon mpo tut Allah cem ighyet sem tut yam cem inggei-nggwang cem ingon jei cem igyok ighyet mem gima ibon sisar tug hon nisinati hagom cem ibit icig bat-ipmem bat nya ighyet bi cem,

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

GALATIA 6:7

Ma jikrau tunggwei jingonti au. Bit bon hi ris mun bak Allah kan bi. Jibiang njita kwei leu beisi bit leu ningan di jindim ei beisi.

EFESUS 4:18

ingon tindur mpung tut nidinditi. Yoni inggre kin niyaijo nijep di Allah yai binye bi lewo ingon dorti tut mun di bitut Noni bi ba, ingkek ndok.

KOLOSE 1:21

Nipou ne jingat rin ei minu ting leu Allah bijiba nitok biNoni drek dip jiyai munti nya kin jikan-kan nyenti di suwok nya.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.