YEHEZKIEL 13:9 - ALLAH NIHYET MEM TUNGWATU NYA

⁹ Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

YEHEZKIEL 13:9 ပူးပေါင်းရင်းမြစ်များ

NIBOU NDIG NYA GI NIGOM 13:18

Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

EZRA 2:59

Yo di ikiju di imbut leu minu ndig ngot di Tel-Melah kin Tel-Harsa kin Kerub kin Adam kin Imer hagom imangti ibou sratus muhwindagom ba, ningot muhwi bican. Yo dini intun Delaya kin Tobia Kin Nekoda nya insi de nya him noro bit bon igindo bindo bipia yoni ne yo di intun mben Israel him rin kan bi.

MAZMUR 101:7

Niris kep mun cig mibong ei ditde ig ba, no di ningon mang miya ei doho bei bi sren.

MAZMUR 69:28

Allah e, ma akwop kep ide sisar nimangti hagom ei Ade daptarti. Ma adip tut inyeng leu daptar di tibim tut yo ingon ngun inyenga.

MAZMUR 69:5

Yo di ingon mpo tut da mikui-kausi imangti nindig dor njiriek dibou nta nimangti. Yo di isindem bibor ihwen da bisrou da tug hon ighyet di ipai-pai wai. Icuk da bipia suar ditug mun di dipos leu yok bi nya hanyen biyok.

MAZMUR 87:6

tuhan Nonti mibindei coi ngkiai nya inyeng ei nide daptarti ba, yahagom inok timiei minu ndig Yerusalem nya.

MAZMUR 95:11

Singon sibui sut yok nindig bibor bisisigion yok lene sisindui sut ba, icoi ug ei minu dima bibong kei bigwam kei bit Sa bi sren.”

YESAYA 4:3

Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes.

YEREMIA 14:15

Yoni itri tut yonti ighyet tug hon dinyeng bipia bit bon pran kin ninggum cut igkep minu dini kan bi. Noro dikes dihyet nok gima biyok bi. Yeremia e, Da di tuhan midiyai notou sut nabi di dipinak yok bi dima i? Midiba pran kin ninggum biyai nimai biyok.

YEREMIA 17:13

tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

YEREMIA 23:20

Nigga biborti dima mingwig hon nohonti bi bibou Noni yai hagom bit leu ningon kanti bidem ug e. Mun dini yok mijo nibreisi mem Nide limwa nya ei nidipti bu.”

YEREMIA 4:9

tuhan pai “Ei njap dima lene nibou ndig nya kin nibou di igya kui yok nya ingon dahat ba, imam nya cem ingon digit lene nabi nya cem idigit tut.”

YEHEZKIEL 11:10

Mijimai ei pranti ei jide minu leu api tungwatu nya yahagom mikan tut bipia Dani ne tuhan ri.

YEHEZKIEL 12:20

Siceu nya mibindei timek minu ndig di mpung tut timiei nya hagom ba, miai di ide nya miwer iggum ndigsi. Leu api yoni mikan tut bipia Dani ne tuhan ri.”

YEHEZKIEL 13:14

Ditin ei mem gima didindei jide ngug tig di jiba cet kapur he bihwen dima bitti yon ba, dinggek bikinei-kinau leu api nikiou mijo brei bou jiyai him. Ngug tig dima milus bihwen je biyai nimai bak jahagom. Leu api jikan tut bipia Dani ne tuhan ri.

YEHEZKIEL 13:23

Nogindini ningat-hi-ngat nitrowai di jingat nya kin jide nisuglai sut mun di mipek kep ei nidipti bu nya hagom kes hon nohonti tu. Diteu Ditde limwa nya bingwes ngun leu jide nisindemti di sibut bibor. Leu api mijikan tut bipia Dani ne tuhan ri.”

YEHEZKIEL 20:38

Midimbus nihwen mun cig nya kin nisibut cig nya leu jikieti bidibuwak yok biyehei leu ingkiaisi di nogindini ibong niti nya lo, midisindui sut yok bingkwei hanyen ug ei itimieisi di Israel bi. Leu api mijikan tut bipia Dani ne tuhan ri.”

DANIEL 12:1

Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

HOSEA 4:5

Jeni kin jide nabi nya cem jiyai munti nya kinei bikwop mmun-njap. Gima rino midibindei timek jipmem di Israel.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

MIKHA 3:5

Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

MIKHA 3:6

“Je di nabi nya e, nituti mem jiyai midyai dima bingwig dideu su. Nituti di jiyai midyai kimbas leu je ug ri. Jingat ningat-hi-ngat bijitri tut Ditde nikos tutti bu bi.”

LUKAS 10:20

Noro ma jiyai ningon di llei drek dip ninnei rom nya di ibit jihyet au. Gi kei rino jiyai ningon di llei sut gino Allah pas kep jinyeng ei gwamti.”

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

IBRANI 12:23

Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.