YEHEZKIEL 13:7 - ALLAH NIHYET MEM TUNGWATU NYA

⁷ Dipai biyok ‘Ningat-hi-ngat di jingat dima ne ningat-hi-ngat di nitrowai he ba, mun di jitri tut bipia mipek kep ei nidipti bu cem nisuglai he. Jipai bipia mun dima yok hagom ne Ditde nisok ei je dip rin lo, digipai mun hi bije nok gima bi sren!

YEHEZKIEL 13:7 ပူးပေါင်းရင်းမြစ်များ

NEHEMIA 6:12

Tirigi dikan-kan nyen tut Semaya nihyet nghwak him dima lene dingon huk niti bipia nipai cuk dati dima kwei leu Allah bi. Noro Tobia Sanbalat nya ingot kep noni leu binhyepo pai sut mun di pek kep ei nidipti bu dima bida.

YESAYA 30:10

Isrep tut nabi nya bipai “Jikimut juhuigya! Ma jitri tut mun di igbit binyeni au. Noro ma jipingok nye bit leu nyenti ningon kanti. Ma jisindui sut nye ba, nibit ningat-hi-ngat di nikan huk nya he.

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

ZAKHARIA 10:2

Tungwatu nya yahara kwar di ikuk yok bak nya kin yo di inda dut nya leu binhyepo imbot kep tut mun di mipek kep. Lo, nibuhupti di igyai leu yok nya igbit bi lewo isuglai nitu he. Bihi itri tut mumpriem nimbot kepti lo, nimbot kepti dima bindei ba, jisrawir. Ighyet di ibigwam ser jingon cem bon ninyeng bi. Gima rino limwa nya intek gimahap bidem kep nok domba di intek gimahap leu api mun di buhun cut igkep yok lewo igimbun ide gembala di bie tut yok bi.