YEHEZKIEL 13:6 - ALLAH NIHYET MEM TUNGWATU NYA

⁶ Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

YEHEZKIEL 13:6 ပူးပေါင်းရင်းမြစ်များ

NIBOU NDIG NYA GI NIGOM 22:12

Lene nabi nindigsi nya cem yahagom indat kep nihyet dima bu bipai “Andigpoi e, gino ahwen minu ndig Ramot lene Allah mibindei ba, yo dima micut bak na di Andigpoi ri.”

NIBOU NDIG NYA GI NIGOM 22:15

Tirigi Mikha kwei ya ei Nibou Ndig Ahab noho bei lene Ahab hig ser noni “Mikha e, ace tut ba, Nibou Ndig Yosafat nyeni mininjei siceu binihwen minu ndig Ramot e?” Lene Mikha buhup “Dwai. Jinjei bijihwen hak ug! Jo nibreisi bipia Allah mimpu je bibindei ba, jicoi ug ei minu ndig dima bijiyai bijiyati.”

NIBOU NDIG NYA GI NIGOM 22:27

Disok dihyet bak yoni leu binhyepo icom noni ug ei ig bui nsi lene ma ikwas njita poi mien he kin minyei poi mien he tut noni bibou dikwei hanyen leu Ramot bidingwes ngun ug e.”

NIBOU NDIG NYA GI NIGOM 22:37

Ipai nok lewo Nibou Ndig Ahab mai su. Lene ikon Ahab ningut bingkwei hanyen tut ug ei Samaria ba, itig.

NIBOU NDIG NYA GI NIGOM 22:6

Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

NIPINGOK NINGONTI 14:15

No di ningon mbum ningon jo kep mun nyeng hagom di tibim ei tungwatu nya yuhui him noro yo di ingon ki nya ingon sok kep yonti tut igyai munti nya.

YEREMIA 14:14

Noro tuhan buhup “Nabi dima yok iba dinyeng biris mun he. Dipinak yok ba, diyai nicukti biyok bidimbrap bit yok cem bi. Ningat-hi-ngat nya di ingat di isimbot kep nya kwei leu Dani bi. Ide nimbot kepti nya kwei leu yonti ingon kanti he ba, bon ninyeng bi.

YEREMIA 23:16

tuhan Di Sindem Bibor pai bak timiei minu ndig Yerusalem “Ma jimiap kep jide nabi nya ighyet bu au. Lewo ibindei ba, jiyok jingon mem mun di igbit bi. Itri tut mun di yonti ikan huk nya bije lo, itri tut dihyet bije bi.

YEREMIA 28:1

Ari bingwam dima cem mem bed gi nimuhwi ei ari bingwam gi nibitai di Nibou Ndig Zedekia ninyeng tak kep minu Yehuda lene nabi Hananya di Azur nipmot di nitimieisi leu minu ndig Gibeon mbrap bit da ei tuhan De Ig. Noni pai bida ei imam nya kin limwa nya yoho bei,

YEREMIA 28:15

Dindat kep nihyet hagom bak Hananya leu api dipai bu “Hananya e, angig atingou mem dihyet! tuhan gipinak na kwei bi. Abindei ba, mben dini yok iba ingon com nihyet nisuglaisi he.

YEREMIA 28:2

tuhan Di Sindem Bibor di Allah Israel pai “Dicut nibou ndig minu Babel nide nisindemti tu.

YEREMIA 29:31

bidisok nihyet ei Semaya dip bak mben Israel di isima ei ingkiaisi ei minu Babel yahagom. Gima rino disok nihyet ei noni dip bak yo dima bidipai “Semaya tri tut nihyet bije tereu nok no di nabi noro Da di tuhan dicuk noni tut bi. Noni bindei ba, jiba jingon com nihyet di bicum nitu he dima.

YEREMIA 29:8

Da di tuhan Di Disindem Bibor di Allah Israel disok kep je ba, jiyok ngon kep. Ma jisindui sut nabi di ibong srig jikieti ba, iris mun bije au. Nok gima cem tut nindigsi nya bu di ipai bije bipia bon itri tut mun di mipek kep mem je ei nidipti bu kan nya ighyet cem au. Ma jingig jitingou mem ide mumpriem nya di imbot kep tut bije cem au.

YEREMIA 37:19

Ade nabi nya di ipai bina bipia nibou ndig minu Babel mikon pran bit na di Andigpoi kin minu dini bu bi sren nya yuug ei siritou i?

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 13:7

Dipai biyok ‘Ningat-hi-ngat di jingat dima ne ningat-hi-ngat di nitrowai he ba, mun di jitri tut bipia mipek kep ei nidipti bu cem nisuglai he. Jipai bipia mun dima yok hagom ne Ditde nisok ei je dip rin lo, digipai mun hi bije nok gima bi sren!

YEHEZKIEL 21:23

Timiei minu ndig Yerusalem iba ingon com bipia tentara dima minjei siceu ndam yok bihwen yok bi lewo mben Babel kin yoni ikwam minggwen ser tu. Noro ade nipui sut mun di micut igkep yok bipingok ingonti leu binhyepo ikan tut bipia siceu nya mikat yok drek dip ide sisar di ibon nya.

YEHEZKIEL 21:29

Ningat-hi-ngat di jingat dima ne ningat-hi-ngat di nitrowai rin lene jide nimbot kep tut mun di mipek kep ei nidipti bu cem nisuglai he rin ba, jiris mun nitu he. Jisibut bibor ba, jinjiriek dihyet cem. Tto bou mem jide hukum nicut igkep jeti dideu su. Singau simeda dima mikos jikimam.

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

ZAKHARIA 10:2

Tungwatu nya yahara kwar di ikuk yok bak nya kin yo di inda dut nya leu binhyepo imbot kep tut mun di mipek kep. Lo, nibuhupti di igyai leu yok nya igbit bi lewo isuglai nitu he. Bihi itri tut mumpriem nimbot kepti lo, nimbot kepti dima bindei ba, jisrawir. Ighyet di ibigwam ser jingon cem bon ninyeng bi. Gima rino limwa nya intek gimahap bidem kep nok domba di intek gimahap leu api mun di buhun cut igkep yok lewo igimbun ide gembala di bie tut yok bi.

MARKUS 13:6

Lewo tungwatu nya imang bibor miba dinyeng bipai sut yonti bipia yoni ne Nibou Ndig di teu tungwatu nya biyai niyaijo nijep biyok ri! Yo di ipai nok gima iris tungwatu nya imang bibor.

TESALONIKA GI NICAN 2:11

Gima rino Allah mibindei mbut nisindemti ninyeng gom di bindei ba, ikrau tunggwei puig di nijit apino iba ingon com nihyet di nitrowai.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.