YEHEZKIEL 13:5 - ALLAH NIHYET MEM TUNGWATU NYA

⁵ Igya ser mpia di ngug tig tti leusi nya ba, igikinding ngug tig nikineisi dima yok bi. Gima rino ei njap di Da di tuhan dibindei ba, pran di biang hukum di dikes ei yok dip dima cut kwei lene yoni mingkiem ser Israel kan bi.

YEHEZKIEL 13:5 ပူးပေါင်းရင်းမြစ်များ

AYUB 40:9

Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 76:7

Yakub de Allah e, akon ahyet kep yok apino kuda nya kin tentara di igwam dip nya yahagom icut di imai ug a!

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 13:9

tuhan de njap mikwei ba, njap dima ne tuhan bindei mbut nigga biborti kin nimbuk biborti di bindei ninggap leusi. Noni mibindei ba, dihyeisi dini nok iggum ndigsi ba, bikwop yo di ibon sisar misar.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

YESAYA 27:4

Digga miai ba anggur nghousi dima bu bi. Gino cibou kin war nggig-nggwen no rinaha lene midicok tut bidindig hagom ningwig a.

YESAYA 34:8

Gima mipek kep mem yok ei njap di tuhan kon pran gau Sion bibuhup Nide siceu ide nibon munti nya hanyen biyok.

YESAYA 58:12

Mijiwin jide minu di timek bingwig ei nigkumti bikei hanyen. Keret dihyeisi dini mipai sut je bipia yo dima ne mben di ikinding ngug tig hanyen bingot ide ig ei nigkumti hanyen ri.”

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 23:22

Gino ikan tut mimun di jo ei dibou ngwakti nya ne suar itri tut dihyet bak Ditde limwa nya bibindei ba, ittin ser ide sisar di kinei kin igyai munti di mbuk bibor. Noro bi.

YEREMIA 27:18

Gino yoni ne nabi di nijit di igyai nisokti dima leu Dani rin lene nnaba yahara bak Da di tuhan Di Disindem Bibor leu binhyepo dibindei ba, siceu nya ipos ndigban nya niken di jo ei Ditde Ig kin nibou ndig de ig ei minu ndig Yerusalem bittei ug ei minu Babel au.

YEHEZKIEL 13:4

Je di mben Israel e, jide nabi dima yok ibon inyeng bi. Ba, idem kep nsien bigbehei di ilus-lus nyen ei minu ndig nigkumti nya he.

YEHEZKIEL 22:30

Dinggok no di dem mem gima win ngug tig kan kin gi ya ngkiem ser mpia di ngug tig tti leu su nya cem ei mben Israel ikieti mem gima ya ngkiem ser minu dima ei mpe di dibindei timek ide minu tug hon Ditde nigga bibor nikui mpiati. Noro digingat no dima ei mben Israel ikieti bi.

YEHEZKIEL 30:3

Ma aba nihyet dini bahara ba, abibwos-bwos nyen cem bipia, Ayo! tuhan de njap dideu kwei su o! Noni miyai nibou tut haninyai ug rin o! Njap dima dindi ba, wer bumbuhui ningkom ei nituti di ngkiai nya mitug ndei hukum o!

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

MALEAKHI 1:9

Je di imam nya e, nogindini ma jahara Allah leu binhyepo ngondut nye. Noni mibuhup jide nadi bi. Suar jibiang jide nitunggwei sut Noni nibuhunti.

MALEAKHI 4:5

Noro nipou tirigi tuhan de njap ndig di buhun bibor tau kep je bigyo ne midipinak Nabi Elia hwou ndam je.

TESALONIKA GI NIGOM 5:2

Lewo jikan mungkun tut Tuhan de njap nikwei hanyenti di mittau kep nye dima midem kep ninggimang mun cig di ttau mem mmun.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.

NINGAT-HI-NGAT NYA 6:17

Lewo njap di bindei di tungwatu nya ingon digit tut yok ttau kep nye tu ba, tou rima ningwes ngun leu inda nsi i?”

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.