YEHEZKIEL 13:3 - ALLAH NIHYET MEM TUNGWATU NYA

³ tuhan Di Ninyeng Jei Bibor pai “Buhun bibor mem nabi ngot di ingon mbum dima yok! Ide ningon kanti di imbot kep tut nya igyai leu yonti intin ba, ningat-hi-ngat di ingat cem nitrowai nitu he.

YEHEZKIEL 13:3 ပူးပေါင်းရင်းမြစ်များ

NIPINGOK NINGONTI 15:14

Yo di ingon ki nya ibrim ingkek bibitug ndei nintin kimboti noro yo di ingon tindur nya ingon cut hon ide nintin kimbo bisi.

NIPINGOK NINGONTI 15:2

No di ningon ki nihyet bindei ba, yo di hiter ijoi sut nintin kimboti noro yo di ingon mbum nya ighyet nok bu tan.

YEREMIA 23:1

tuhan di mben Israel ide Allah pai “Buhun bibor mem je di nibou di jibindei ba, Ditde limwa nya itimek bingwig bisar ei ingkiaisi! Suar jinyohou yok nok gi igbit noro jinyohou yok bi. Jibindei bintek gimahap apino inang bingwig. Nogindini midikes hukum ei je dip drek dip jiyai munti di kinei bibor dima.

YEREMIA 23:16

tuhan Di Sindem Bibor pai bak timiei minu ndig Yerusalem “Ma jimiap kep jide nabi nya ighyet bu au. Lewo ibindei ba, jiyok jingon mem mun di igbit bi. Itri tut mun di yonti ikan huk nya bije lo, itri tut dihyet bije bi.

YEREMIA 23:9

Ditri tut nihyet tut nabi nya. Dingon buhun bibor ba, didigit nindig bibor. tuhan ba nihyet di kwes-kwau bindei ba, dinok no di dut ba anggur ngei nindig bibor di pu no ba, dingon him wei.

YEREMIA 28:15

Dindat kep nihyet hagom bak Hananya leu api dipai bu “Hananya e, angig atingou mem dihyet! tuhan gipinak na kwei bi. Abindei ba, mben dini yok iba ingon com nihyet nisuglaisi he.

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 13:18

abitri tut mun di Da di tuhan Di Dinyeng Jei Bibor dipai sut yok biyok, ‘Buhun bibor mem je! Lewo jicom li di mindur nya bijinap minghas di mindur nya di jibinggai jibou cem mem limwa nya yahagom leu binhyepo ibiyai nisindemti mem gima inyeng tak kep yo di hiter ide niyaijoti. Jijoi sut jinyeng tak kep Ditde limwa nya ide niyaijoti kin ide nimaisi cem. Lene jiba nisindemti dima bipek mun mem jenti.

YEHEZKIEL 13:4

Je di mben Israel e, jide nabi dima yok ibon inyeng bi. Ba, idem kep nsien bigbehei di ilus-lus nyen ei minu ndig nigkumti nya he.

YEHEZKIEL 34:2

“Na di tungwatu di ayaijo kikau bi e, ma apai kep nibou ndig minu Israel. Da di tuhan Di Dinyeng Jei Bibor disok dihyet ei na dip bak yo dima ba, apai ‘Je di gembala Israel nya e, mun di buhun bibor micut igkep je lewo jehek tut jenti noro jehek tut jide domba nya bi.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

ZAKHARIA 11:15

Leu api tuhan pai bida “Abon nanti ba, adem kep gembala mbigom kin bu. Noro gini bu ne anok gembala di bon ninyeng bi.

LUKAS 11:40

Jingon mbum bibor! Allah di bon bei nisai dima bon bei ninsi cem bi e?

LUKAS 11:52

Aye! Buhun bibor mem je di guru Puig Yahudi nicukti nya! Kusin mem ibikau dimbou leu ningon kiti nibousi no jo bije noro jicoi kak dimbou hui dima bijinggok tut ningon kiti bi. Noro jibigen ser yo di itibap-tibap nyen ba, ijoi sut icoi kak dimbou hui dima!”

KORINTUS GI NIGOM 9:16

Tut gi ditri tut Nihyet Di Kei lene gi mbun dingon jei sut bi lewo Tuhan sok nihyet ei da dip mem gima ditri tut bak tungwatu nya. Aye! Notou mem da gino dikes hon biditri tut Nihyet Di Kei bi i?

TIMOTIUS GI NIGOM 6:4

no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

2 TIMOTIUS GI NICAN 3:9

Yo dini mimbut sindem biyuug bipek nipekti bi. Lewo ide ningon tindurti jo nibreisi bou tungwatu nya igyai him noyam kin mun di pek kep mem Yanes kin Yambres.