YEHEZKIEL 13:19 - ALLAH NIHYET MEM TUNGWATU NYA

¹⁹ Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEHEZKIEL 13:19 ပူးပေါင်းရင်းမြစ်များ

MIKHA 3:5

Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

NIPINGOK NINGONTI 28:21

Gino hi mbus nggok tungwatu ne gima kei mem bi. Noro nikei nya ibou poi isindui sut hi ba mitiei bingot kep yok bibindei ba, ikos tutti nya sren kei bi.

YEHEZKIEL 22:26

Israel de imam nya itunggwei Ditde niggai serti nya lene ibindei ba, niromti rap mun di ikwas pijum tut Da nya cem. Igikwas mun di kwes kin mun di kinei bijo ter leu yam kan bi. Nok gima cem iba Ditde nidimig sutti bingginau limwa nya tut mun di pwoi kin mun di rom niter leu yamti bi. Ba, igiya hon Njap Nigwam Kep Ninghuisi nicukti nya cem bi. Tug hon nisinati dima ne mben Israel ingwes om kep Da.

YEHEZKIEL 20:39

tuhan Di Ninyeng Jei Bibor pai “Je di mben Israel e, nnaba jiyai mun bit leu jingon kanti. Ma jibindei mbut nibon kep sisarti hak tug hon gi juug kuk je bak kwar hak ug! Noro ma jiyok ngon kep bipia niabiati bu ne mijibit dihyet. Ma jikwas munkwas tut jide kwar di jikuk je bak dima ba, jibindei dinyeng di kwes-kwau bikinei bu au.

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

KORINTUS GI NIGOM 8:11

Tug hon nisinati dima lene abindei ba, akinjoi di ningon nddong bi misar drek dip ade ningon nddongti. Noro ningat ne Kristus mai mem noni cem.

ROMA 14:15

Gino jiba njita di jiyem bisibui jisut di ningon nddong bi ningonti ne jiyai munti dima tug hon ningon ngakei yamti bi. Kristus mai mem no dima. Gima rino ma jibindei srawir no dima tug hon njita di jiyem au.

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

NIPINGOK NINGONTI 19:27

Dimunggwom na e, gino akes hon ba, apikor tut mun nyeng hi bu bi lene jei bi mun di apikor eisi tu nya mipren hanyen leu abou ngwakti.

SAMUEL GI NIGOM 9:7

Lene Saul buhup “Gino suug ngat noni lene sipwoi mun mindei di sikwas tut noni i? Side njita ngwig leu sa tu ba, sehei he. Gima rino siyai mindei bak Allah de awak dima i?”

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEHEZKIEL 13:20

tuhan Di Ninyeng Jei Bibor pai bak sop di ibon yonti nok nabi sop dima yok “Dingon mpo tut li di mindur di jibiyai nisindemti mem gima jinyeng bitak kep Ditde limwa nya igyaijoti kin imaisi dima. Midibrim li dima leu jinda krousi bidikwek yo di jinyeng tak kep yok dima leu jinda nsi bihigom ba, yoni mingwes ngun.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

NIPINGOK NINGONTI 17:15

tuhan ningon sibui sut yo di isindui sut ba, no di sibut ningwes ngun leu hukum kin yo di ikes hukum ei no di ningon ngun dip cem.

YESAYA 5:20

Buhun bibor mem je di jiba gi kei kin gi piga kin gi nyop bikiek-kiek nyen bibindei gi kinei kin gi dindi kin gi mpo cem a!

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.