YEHEZKIEL 13:10 - ALLAH NIHYET MEM TUNGWATU NYA

¹⁰ Nabi nitrowai jen! Jibindei srawir Ditde limwa nya tug hon gi jipai bipia mun nyeng hagom mbut kin gi kei ba, mpia mbum-bra. Noro nok gima bi sren! Ditde limwa nya iba tig mma biwin ngug tig di ngkiem bi di mitti-tti nyen leu api je di nabi nitrowai jikwei ba, jiba cet kapur he bihwen kep.

YEHEZKIEL 13:10 ပူးပေါင်းရင်းမြစ်များ

NIBOU NDIG NYA GI NICAN 21:9

Noro timiei Yehuda nya igibit tuhan nihyet bi. Manasye bindei ba, ibon kep sisar di kinei bibor nya. Ibon sisarti dima kinei bibor bidor tunggwei mben di tuhan jji yok leu minu Kanaan ei mpe di po limwa Israel icoi ei ide minu pima ide sisar di ibon kep nya.

NIBOHON MBEN ISRAEL GI NICAN 18:12

Lene no di ug buwak Mikha kwei pima hwen ningon bipai bak “Nabi nindigsi nya yahagom imbot kep tut mun di mipek kep mem nibou ndig ei nidipti nok nibou ndig moom kep nide siceu nya. Suar na di andigpoi cem ambot kep tut mun di mipek kep mem nibou ndig ei nidipti di kei di noyam kin yoni ipaisi dima.”

NIPINGOK NINGONTI 12:26

No di ningon kwes ningon nggei-hi-nggei dor njiriek yo di ninttig-tta nya. No di sibut srawir drek dip nibon mun di kineisi.

YESAYA 30:10

Isrep tut nabi nya bipai “Jikimut juhuigya! Ma jitri tut mun di igbit binyeni au. Noro ma jipingok nye bit leu nyenti ningon kanti. Ma jisindui sut nye ba, nibit ningat-hi-ngat di nikan huk nya he.

YESAYA 57:21

Bit bon yo di ibon sisar nya mibong nyahan kan bi. Da di tuhan disimbot dat tu.”

YEREMIA 14:13

Lene dipai “tuhan Di Ninyeng Jei Bibor e, akan tut bipia nabi nya ipai bak ide limwa nya bipia pran kin ninggum mihwen yok bi sren lewo apreu ei mem yok bipia ibong kei igwam kei kikau.”

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

YEREMIA 28:9

Noro limwa nya ibit nabi di mbot kep tut nibong kei nigwam keisi nihyet bipai sut noni ne nabi di nijit di tuhan pinak kwei rin gino nimbot kepti dima pek kep bijo nibreisi mem yok he.”

YEREMIA 4:10

Leu api dipai “Na di tuhan Di Anyeng Jei e, aris bak timiei Yehuda nya kin timiei minu ndig Yerusalem nya tu! Apai bipia minibong kei-minigwam kei. Noro bi. Lewo nogindini siceu mikrau singau simeda tut nye binimai ri.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 50:6

Ditde limwa nya idem kep domba di ide gembala nya isindui yok di israwir ei nungug him. Ba, imbut-mbut wai leu nungug hi ug ei nungug hiter bu ba, igikan tut itimieisi bu bi.

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 8:11

Yoni ingat Ditde limwa nya ibokti dima nok ibokti di mien he ba, ipai biyok ‘Dwai. Hagom kei ba, jo nyahan.’ Noro ningat ne nok gima bi sren.

YEREMIA 8:15

Ingon ya mem nijam nibong kei nigwam keisi kin nijam niyai ningkek ngun eisi hanyen noro gima mikui-kausi he. Lewo mun di bindei di ingon ttin jo kep nye.

YEHEZKIEL 13:16

Nabi nitrowai jen! Jitri tut bipia minu ndig Yerusalem bong kei gwam kei ba, mpia mbum-bra. Noro nok gima bi sren!” tuhan Di Ninyeng Jei Bibor simbot dat tu.

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

YEHEZKIEL 7:25

Ningon nggukti kin ningon dahatti micut igkep yok leu api inggok nibong kei nigwam keisi noro igitau kep bi sren.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MALEAKHI 3:15

Ningat bou niyai him bipia yo di inggei-nggwang tut yonti nya ingon llei bibor. Yo di imbuk nya ide mun nyeng hagom dem mem yok bibong kei igwam kei. Ibong kei igwam kei he bi noro ibingon Allah noom ningonti tug hon gi ibon sisar lo, ingwes ngun cem.’ ”

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

YOHANES GI NIGOM 2:26

Dipas kep srat dini tut yo di ibrim ingkek mem gima iris je nya.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.