YEHEZKIEL 12:14 - ALLAH NIHYET MEM TUNGWATU NYA

¹⁴ Yo di yahagom di ibong bit nibou ndig ei nide ig bitut yo di ipingok kep ningonti kin yo di igya ser noni pijum midibindei yo dini bintek gimahap nima ug-nima ug. Miduhuk yok bidiyai nimai biyok.

YEHEZKIEL 12:14 ပူးပေါင်းရင်းမြစ်များ

YEHEZKIEL 5:2

Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

YEHEZKIEL 17:21

Nide tentara di mipbor ngat nya yahagom mimai ei pranti. Lene gi inang di ihallu ug nya mintek gimahap nima ug-nima ug bidem minu. Leu api Ditde limwa nya mikan tut bipia Da di tuhan disimbot dat tu.”

YEHEZKIEL 14:21

tuhan Di Ninyeng Jei Bibor pai “Midikes Ditde hukum di buhun bibor ninyeng bitai ug ei minu ndig Yerusalem dip mem gima dibicok tut tungwatu kin mindhe-ndhe nya. Ba, hukum dima yok rino pran kin ninggum di buhun bibor kin mindhe di niten-pos kin nsuwer ajar.

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YEREMIA 42:22

Gima rino ma jiyok ngon kep bipia mporo jimai ei pran kin ninggum kin nsuwer ajarti ei minu di jibisau sut juug bijibong timiei eisi dima ug ri.”

YEREMIA 42:16

“Pran kin ninggum di jittin tut dima muhuk bram je kikau ug ei minu Mesir bijimai ei minu dima.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

YEREMIA 49:32

tuhan pai bu bak Nebukadnezar “Apos unta di ide nya bitut mindhe-ndhe nimuhup tu di ide nya hagom! Dibindei ba, yo di ikos ibou di cun dima yok intek gimahap ug ei tirima-tirima. Dikes mun di buhun leu nima kwei-nima kwei ei yok dip.