YEHEZKIEL 12:13 - ALLAH NIHYET MEM TUNGWATU NYA

¹³ Noro midicom Ditde jala ser leu api dibikat noni. Leu api midicom noni ug ei minu Babel. Noni mimai ei sirima leu ba, ngat nitimieisi di nang leu bu bi sren.

YEHEZKIEL 12:13 ပူးပေါင်းရင်းမြစ်များ

HOSEA 7:12

Noro bikwop mpe di ingkwei-ngkwei nyen binjiriek Da ne dicom jala ser yok ba, diba jala bikat yok noyam kin tungwatu nya di ikat ha nya. Midikes hukum ei yok dip drek dip ide nibon mun kineisi nya di dikan tut tu.

YEHEZKIEL 17:20

Midicom jala ser ba, dibikat noni. Dibuwak noni ug ei minu Babel bidikes hukum ei noni dip ei mpia dima lewo noni ba ningon di gom bibit dihyet bi.

YEREMIA 39:7

Gima leu lene itak Zedekia niyai leu api iba lante biteu ninda ba, icen biyuug sut ug ei minu Babel.

YEHEZKIEL 32:3

Mpe dino mben nya idem yam ei lene midiba Ditde jala bikat na leu api midisindui sut ba, mben dima ikri na ug ei mam bei.

YEHEZKIEL 17:16

Deheng bitug hon Da di Allah di niyaijo kin Da di tuhan Di Dinyeng Jei Bibor dinyeng bipia nibou ndig minu Yehuda muug mai ei minu Babel. Lewo njiriek nehengti kin nipreusi di noni preu ei mem nibou ndig minu Babel di kon noni bigwam nok nibou ndig ei banggo mbrei ninyeng tak kepti dima dip tu a.

LUKAS 21:35

dem kep bon di srou je. Lewo njap dima mittau kros kep tungwatu dihyeisi dini hagom.

NIBWOS-BWOS NYENTI 3:47

Nuum mun di buhun ba, mun di bindei timek nye cut igkep nye. Mun di bindei ba, ningon ttin bibor cem ninghuisi mpig sut cem tau kep nye bikwop njap ngwa hagom.

NIBWOS-BWOS NYENTI 1:13

Noni bindei juk hum leu mpia-bbed him kwei biyem kikau ug ei dingon bei! Noni com bon ser bei doho bei apino bon srou da di dicut o! Leu api Noni sindui sut ba, ditug ndei ninghuisi wei bidangkom ei njap jei o!

YEREMIA 50:24

tuhan pai “Mben Babel e, jihwen bit Da. Gima rino jisrei ei bon di diyok ser jeti noro jingon huk niti tut bi.

YEREMIA 34:3

Bit bon anang ba, allu leu ninda nsi kan bi. Noro siceu mikat na bikes na bak nibou ndig minu Babel lene aum noni ba, ambrap pijum bit noni. Leu api nide limwa nya mibuwak na ug ei minu Babel.

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

AYUB 19:6

Ningat ne Allah bibon da nok gini. Noni ndin bon bibisrou da.

MAZMUR 66:11

Asindui sut ba, nisrei bonti leu api akes mun di buhun bibor ei ninghat dip.

YEREMIA 24:8

Noro midibibon Zedekia di nok nibou ndig mem minu Yehuda kin yo di igya kui noni kin timiei minu ndig Yerusalem niken-ken di ibong ei minu dini kin gi hi di ipri ug ei minu Mesir nya ba, idem kep biei ara ningat di kroi ningkom di dem mem igyemti bi dini. Da di tuhan disimbot dat tu.

YEREMIA 32:5

Apino noni mikri Zedekia ug ei minu Babel. Zedekia mibong ei mpia dima bibou dikes hukum ei noni dip ug e. Mbro nok gino noni kon pran bit tentara Babel nya lo, noni mibindei timek yok kan bi. Da di tuhan disimbot dat tu.”

YEREMIA 37:17

Njap poi ser lene Nibou Ndig Zedekia hig da kwei ei nide ig leu api hig ser da nyahan “tuhan sok nihyet gom-gom kin bu ei nani dip e?” Lene dice bidipai “I, jei bi ne acut ei nibou ndig minu Babel nindati ri.”

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.

YEHEZKIEL 12:6

Akon buwang tut ndigban ade nya ei anghat dip ba, ambut tut mem mmun di dindi-kai. Anggai ser ayai leu binhyepo angat puig di ambut kak bi. Nna ba mben Israel yahagom ingat mun di abon dima yok hagom bou igyai him. Ayai gima yok hagom nok mun di bisok kep ingonti ba, igyok ngon kep.”

AYUB 18:10

Iku bon di kat nimig nyahan ei susti ba, ikim bon ser puig di mbut kak.