YEHEZKIEL 11:5 - ALLAH NIHYET MEM TUNGWATU NYA

⁵ Leu api Allah Ninnei ya kui da lene tuhan cuk da bidipai bak limwa mben Israel nya “Je di mben Israel e, dikan tut mun di jipai biyam kin mun di jitin ei jingon kanti tut tu.

YEHEZKIEL 11:5 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

YESAYA 28:15

Jingon jei sut jenti drek dip gi jikwam minggwen bit nimai ba, jeni kin minu nimai nya ide jipreu kep yam tu e? Jiba jingon com bipia tirigi mun di buhun kwei lene mikriau je lewo jikan bipia jide niris ei tungwatu nyati rinok mpia di jinang coi e?

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEHEZKIEL 2:2

Hammi tirigi nihyet dima tibim ei ditingou nsi rino Allah Ninnei coi kwei ei dingonti bibindei ba, dikiju bidiya pijum. Leu api dimiap nihyet dima pai bida bu,

YEHEZKIEL 2:7

Ma atri tut mun di disok ei na dip hagom biyok. Mpaba ingig itingou mem ahyet e, he bi e, dikan tut bi. Ma ayok ngon kep bipia yoni yaham imbuk kep Da igkei.

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

YEHEZKIEL 3:11

Leu api ma aug ngat asut bat mben Israel di ibong ei ingkiaisi ba, atri tut mun di Da di tuhan Di Dinyeng Jei Bibor disok ei na dip hagom biyok. Mpaba ingig itingou mem ahyet e, he bi e, dikan tut bi.”

YEHEZKIEL 3:24

Noro tuhan Ninnei coi kwei ei dingonti bibindei ba, dikiju bidiya pijum. tuhan pai bida “Ma angkwei hanyen ug ei ade ig ba, alit dimbou bingkiem.

YEHEZKIEL 3:27

Mpe dino dimbrap bit na hanyen bidibindei ba, ambrap hanyen bu lene suar atri tut mun di Da di tuhan Di Dinyeng Jei Bibor disok ei na dip biyok. Mpe dima lene ibou poi mingig itingou mem ahyet noro nindigsi nya inghek na lewo jo nibreisi bipia inok mben di yaham imbuk kep Da.”

YEHEZKIEL 8:1

Nijam di icom nye ug ei ningkiaisi mbut ba, ug ei njap gi nimuhwi mem bed nimuhwindagom ei ari bingwam gi nimuhwindagom tu lene timiei Yehuda nya di icom yok dima ide nibou nya ikwei ngat da ei ditde ig ba, igwam nyen bit da. Leu api tuhan Di Ninyeng Jei Bibor de nisindemti mpung pias hagau ei dingonti kros.

MARKUS 2:8

Lene Yesus kan tut ingon kanti leu api hig singgre yok “Jikan-kan nyen ei jingonti leu binggon i?

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 10:44

Lo bi lene tirigi Petrus kes nihyet bigyo lene Allah Ninnei srek kros kwei ei yo di imiap Nihyet Di Kei dima ingonti.

KISAH 11:15

Petrus binut bu bipai “Tirigi sindi ditri tut nihyet biyok lene Allah Ninnei srek kros kwei bicoi ug ei yahagom ingonti dem kep tirigi Noni coi kwei ei nyeni ingonti habiei ei nimbie him pima.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

YAKOBUS 3:6

Idweb noyam kin hum priot. Idweb rinok nibousi mem mun di kinei hagom ba, bindei mbut mun di kinei dima bimbut bidem tungwatu nya ingut titut yam. Hum dima kwei leu nibousi ei hum njengti ba, tigut nye habiei leu imien kikau bipek igyaijo ningwig honti.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 10:10

Mpe dino Saul kin awak dima yuug krau Gibea lene nabi nya nimpung gom yuum noni. Lene Allah Ninnei juk kros kwei ei ningonti ba, noni pri-pri nyen ba, mbos-hi-mbos bit yok.

SAMUEL GI NIGOM 10:6

Lene Allah Ninnei mijuk kros kwei ei angonti bibindei ba, apri-pri nyen ba, ambos-hi-mbos bit yok ba, lene Noni mibindei nani nok no di miyai ningon di nijep bu ri.