YEHEZKIEL 11:22 - ALLAH NIHYET MEM TUNGWATU NYA

²² Kerub dima yok ikon inyehei bidimba lene kroba nimig ninghau nya cem idimba bit yok. Nipigati di piga mpia kei di bindo tut Allah Israel ningat no jo anai yok dip.

YEHEZKIEL 11:22 ပူးပေါင်းရင်းမြစ်များ

YEHEZKIEL 10:19

Dingat lo, kerub dima yok ikon inyehei ba, idimba leu dihyei njek dip ba, yuug lene kroba nimig ninghau dima yok cem bit yok. Leu api yuug ya simin dimbou pmem nuhui di jo nite bei mpia nipriti ei tuhan De Ig lo, nipigati di piga kei jo kikau ei anai yoni dip.

YEHEZKIEL 1:28

Mun dima bon nisieng hi gom hi gom di noyam kin pwet. Nipigati di jimjit dima ndo tut tuhan di ningat rin ei sirima. Tirigi dingat gini bou diyai him lene dikuk da bidiba dingwak bikik dihyei. Lene nihyet gom hig da,

YEHEZKIEL 9:3

Leu api nipigati di piga kei di bindo tut Allah Israel di ningat rin ei mpia dima piga mpia srig kerub nya ikieti bipri leu nijoti buug ya kui dimbou di ibicoi kwei ei tuhan De Ig. Lene tuhan jem no di juk sinsun linen dima bipai bak,

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 43:2

bidingat lo, nisieng-siausi di piga kei di bindo tut Allah Israel ningat di kwei leu nite bei mpia nipriti. Dimiap Allah nihyet di dem muk ndigsi tirigi tti tignam nibimbiti pimo. Lene Allah de nisieng-siausi bindei ba, dihyeisi dini piga kei.