YEHEZKIEL 11:20 - ALLAH NIHYET MEM TUNGWATU NYA

²⁰ Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.

YEHEZKIEL 11:20 ပူးပေါင်းရင်းမြစ်များ

YEHEZKIEL 14:11

Dibon nok gima yok ser hyema mben Israel yoom yonti ei minu ting leu Da cem bibindei ba, map kui yokti cem bi. Apino inok Ditde limwa nya lene Dani dinok ide Allah. Da di tuhan Di Dinyeng Jei Bibor disimbot dat tu.”

MAZMUR 105:45

leu binhyepo Nide limwa nya mibit Nide niggai serti nya bice tut Nide nicuk yokti nya cem. Jikwei ba, inggei sut tuhan!

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

KORINTUS GI NIGOM 11:2

Dinggei sut je lewo jiyok ngon kep mun di dingginau je tut ba, jikrau kep ditde nipingok jeti di ditri tut bije nipou su.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

YEHEZKIEL 11:12

Mijikan tut bipia Dani ne tuhan rin ba, dikes hukum ei je dip drek dip gi jipigau Ditde nidimigsi nya ba, jiba jikou yai Ditde nicukti nya leu lene jibit ngkiai nya di ibong ttai je nya ide niggai serti nya.”

YEREMIA 32:38

Mpe dima lene Ditde limwa nya rino yoni ba, dinok ide Allah.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

MAZMUR 119:32

Dingon nggan mem gima dibit Ade nicukti nya lewo abindei ba, dingon huk niti bibor.

MAZMUR 119:1

Yo di ingon kwes di ibit tuhan nicukti nya ingon nggei-hi-nggei.

NIPINGOK NINGONTI 9:6

Ma jikes hon jide ningon mbumti leu binhyepo jiyai ningon nggei-hi-nggeisi. Ma jibit yo di ingon ki nya ide puig di imbut a.”

YEHEZKIEL 43:11

Gino igwam nimmaiti drek dip ide nibon munti nya lene ma apai sut Ditde Ig dini biyok. Apai sut nikilisti dima biyok bitut nindigsi kin dimbou nicoi kak nya kin dimbou nehei kak nya kin niprion tig ma nindig di bijo-jo yam dipti kin nidimigsi nya kin niggai serti nya di jo mem hagom. Ba, apas kep gima hagom mem yok leu binhyepo ibiyok ngon kep nidimigsi nya cem hagom.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

YEREMIA 24:5

“Dingat yo di disindui sut yok di ikat yok di ikri yok ug ei minu Babel dima idem kep biei ara ningat di kei bibor kei dini ri. Gima rino Da di tuhan Allah Israel midiba dingon nggriu bibibon yok.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.