YEHEZKIEL 11:17 - ALLAH NIHYET MEM TUNGWATU NYA

¹⁷ Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

YEHEZKIEL 11:17 ပူးပေါင်းရင်းမြစ်များ

YEHEZKIEL 28:25

tuhan Di Ninyeng Jei Bibor pai “Midinduk mben Israel kwei leu minu ting di dibindei ntek gimahap yok ug eisi nya ba, diba yok bicom yam hanyen. Apino ngkiai nya yahagom mikan tut bipia dikwes-kwau. Mben Israel mibong ei idihyei po diyai bak Ditde awak Yakub pima.

YEHEZKIEL 34:13

Miditeu yok bingwes ngun leu mben dihyeisi dini ikieti kin ingkiaisi nya ba, midimbus yahagom keyam lene dibuwak yok hanyen kwei ei itimieisi. Dijem yok hanyen kwei kep minyei nggram nya ei nungug him ei minu Israel. Midihyen kep yok ei abris nghousi di nnum kei.

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

YEREMIA 24:5

“Dingat yo di disindui sut yok di ikat yok di ikri yok ug ei minu Babel dima idem kep biei ara ningat di kei bibor kei dini ri. Gima rino Da di tuhan Allah Israel midiba dingon nggriu bibibon yok.

YEHEZKIEL 20:41

Niabiati bu tirigi dibuwak je kwei leu minu di dibindei ntek gimahap je ug eisi nya tu ne midiba je bicom yam. Midijoi sut jide midut nindig mindhe-ndhe ei nimbar hum dokti nya. Leu api ngkiai nya yahagom mikan tut bipia Da dini ne Allah Di Kwes-Kwau ri.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

MAZMUR 107:3

Noni buwak je hanyen kwei leu jingkiaisi ei nite bei mpia nipriti kin nikimbasti kin ei mpia nijjai kin nibiho hagom tu.

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

YEREMIA 31:16

Ma jiyai nggwei kibor bu au! Ma jicon jiyai nggwei leu jiyai a! Jicom jahanggwap mikuisi tut jimunggwom bat nya bi. Mijitug ndei jimuhup dino jimunggwom bat nya mingwes ngun hanyen leu ingkiaisi.

YEHEZKIEL 20:42

Tirigi dibuwak je hanyen kwei ei jidihyei ei minu Israel di dipreu sut bak jidigup bat-jidigai bat nya leu api jikan tut bipia Dani ne tuhan ri.

YEHEZKIEL 34:11

tuhan Di Ninyeng Jei Bibor pai “Dangkom midinggok ser Ditde domba nya leu api dehek tut yok,

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

YEHEZKIEL 20:34

Midindo Ditde nisindemti brei bou jiyai him tirigi diba je bicom yam ba, dibuwak je bijingkwei hanyen leu ngkiai nya ikieti ei minu hagom di dibindei bijintek gimahap eisi nya.

ZAKHARIA 8:7

Miditeu Ditde limwa nya leu ingkiaisi di ide siceu nya ikat yok di icom yok ug ei nya,