YEHEZKIEL 10:22 - ALLAH NIHYET MEM TUNGWATU NYA

²² Iimaisi nya cem noyam kin kerub nya di dingat ei Minyei Pmem Kebar nipimat pima iimaisi. Ba, bikwop kerub dima gom-gom mbut hallu ndam bei noho bei.

YEHEZKIEL 10:22 ပူးပေါင်းရင်းမြစ်များ

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

YEHEZKIEL 1:10

Iimaisi dima ter leu yam. Ibon iimaisi di nok tungwatu ei nibiho lene gi nok mindhe singa ei bei anda com lene gi nok sapi nikre ei bei anda prak lene gi nok hacam krubri ei bei ninghim dip.

YEHEZKIEL 1:12

Iba iimaisi nya birok nite hi nite hi kin nibiho kin nijjai hagom. Gima rino imbut sren tut yam hak lene gi hi kiek ningut nyen bi.

YEHEZKIEL 1:9

Yahagom ikieng inyehei lene inyehei niyenti nya pek yam sindam ba, nghau bipek yam. Tirigi imbut ne inyehei niyenti nya pek yam kikau ba, imbutti cem ikiek yok bi noro imbut sren hak.

YEHEZKIEL 10:11

Kroba nimig ninghau dima bindei ba, kerub dima yok imbut ndam inggangti nite hi nite hi cem ba, ibiho kin ijjai cem hagom. Dem mem imbut nok gom biyuug ei mpia di ijoi sut hak bikiek-kiek nyen yonti ingut bi.

YEHEZKIEL 10:21

Bikwop kerub dima yok gom-gom bon niimaisi bitai ba, bon ninyehei bitai cem. Mun di dem kep tungwatu nda ntun inyehei behei nya.

YEHEZKIEL 11:1

Leu api Allah Ninnei kon da bibuwak da ug ei dimbou pmem di jo ei nite bei mpia nipriti ei tuhan De Ig. Dingat lo, ibou nyatungwagom muhwi ingat rin ei sirima. Lene dingat mben Israel ide nibou nya ibou can di igya hak ei ikieti. Nibou cin dima inyeng rino Yaazanya di Azur nipmot kin Pelaca di Benaya nipmot.

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”