YEHEZKIEL 10:18 - ALLAH NIHYET MEM TUNGWATU NYA

¹⁸ Leu api nipigati di piga kei di bindo tut tuhan di ningat rin ei mpia dima kiju leu dimbou hui di ibicoi ug ei tuhan De Ig dima pri biya anai ei kerub dima yok dip.

YEHEZKIEL 10:18 ပူးပေါင်းရင်းမြစ်များ

NITRITI 3:24

Niabiati Noni jji yok leu su lene Noni kes mun di Noni pai tes di ninyeng kerub nya ba, igya ser dimbou hui ei nite bei mpia nipriti ei miaisi dima lene bibon simeda di ninjeng srei di tot-tot nyen ei nite bei nibiho kin nijjai kin nite anda com kin nite anda prak ba, ggai ser puig di bie ndam biei di bindei niyaijo ninno.

NIBOU NDIG NYA GI NICAN 2:11

Yahacem imbrap bit yam kak puig dima. Lene kuda nya di ikri kroba pran gom tau kros ei ikieti lo, kuda kin kroba dima dem kep nok hum di ninjeng srei. Lene tuhan ba hou di sibui-sibui nyen bikon Elia ug ei gwamti.

MAZMUR 18:10

Noni bindei kki mpia-bbed him leu api juk kwei bico bumbuhui di dindi-kai dip.

MAZMUR 18:11

Noni bri bigwam ei Nide kerub dip bidimba tut lene dwop-dwop nyen ei hou him ninyehei.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

YEREMIA 6:8

Je di timiei minu ndig Yerusalem e, suar jimiap kep mun di buhun bibor dima yok hagom nok mun di bisok kep je! Leu ma dikes jeni ei ba, dibindei minu ndig jide binok iggum ndigsi leu ba, hi di mibong ser bu bi.”

YEHEZKIEL 28:14

Dikes malaikati di bibon ninggap leusi kui na mem gima ya ser na. Agwam ei Ditde nungug dip di kwes ba, ambut ei tig permata di jimjit kei ikieti.

YEHEZKIEL 41:16

iba biei di bon nuhuisi bitai bimau hagom leu ig jou dip ug bipek kin kendera mihyeti nya lene ipindur minghas di ndok ser nimihyeti nya.

YEHEZKIEL 43:2

bidingat lo, nisieng-siausi di piga kei di bindo tut Allah Israel ningat di kwei leu nite bei mpia nipriti. Dimiap Allah nihyet di dem muk ndigsi tirigi tti tignam nibimbiti pimo. Lene Allah de nisieng-siausi bindei ba, dihyeisi dini piga kei.

YEHEZKIEL 8:6

Allah pai bida “Na di tungwatu di ayaijo kikau bi e, angat mindei di pek kep dima i? Angig ayai kep nibon munti di kinei bibor di bindei ba, diyai ttin di mben Israel igyai kep nya. Mun di igyai dima boom Da ei minu ting leu Ditde Ig tu. Noro akwei ba, midindo mun di kinei bibor bu hi kin bu bina.”

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”

NIJAM NIKEI NYA 19:27

Tirigi nijjep kiju mem njap tekti bikau dimbou bimbut rin lene ngat lo, nitnem mien no rino tti di bong njiti kui dimbou hui lene su ninda bikrau dimbou a.