YEHEZKIEL 1:4 - ALLAH NIHYET MEM TUNGWATU NYA

⁴ Dikon dibou bidingat lo, hou di nimig ten bibor cut kwei leu nite bei mpia nijjai. Kigyei ninjeng cem srei ei bumbuhui ttou nindig gom bipiga digai mpia-bbed him di gahai nya hagom. Ba, mun di iba ngkimom-tembaga bibon di sieng kei jo hammi kigyei dima nibousi.

YEHEZKIEL 1:4 ပူးပေါင်းရင်းမြစ်များ

NIBOU NDIG NYA GI NIGOM 19:11

Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

NIBOU NDIG NYA GI NICAN 2:11

Yahacem imbrap bit yam kak puig dima. Lene kuda nya di ikri kroba pran gom tau kros ei ikieti lo, kuda kin kroba dima dem kep nok hum di ninjeng srei. Lene tuhan ba hou di sibui-sibui nyen bikon Elia ug ei gwamti.

AYUB 38:1

Lene tuhan ba nibuhupti di noyam kin sigau nibimbiti buhup bak Ayub bipai,

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

NEHEI LEUSI 9:24

biget di mbras nok tig njep dima nindig bibor leu api kigyei ninjeng srei. Mben Mesir ingat biget di mbras nok tig njep nok gima habiei ei nimbie him kikau kwei bipek ammani kep bigyo.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 21:1

Gini ne nisok nihyetti tut minu Babel ri. Mun di buhun bibor di tereu nok hou nimig di sibui di nibimbiti nindig cut kwei leu iggum ndigsi bindei ba, tungwatu nya ingon ttin bibor.

YEREMIA 23:19

tuhan nigga biborti noyam kin hou di nimig ten bibor di micut igkep yo di imbuk bibor binjei yok.

YEREMIA 25:32

tuhan Di Sindem Bibor pai “Hou di nimig ten bibor micut ba, nugwei bong mpiati kikau ug bipek kin minu nohon keti. Mun di buhun bibor micut igkep ngkiai nya gom-gom sindam.”

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 4:6

Ma jindo hangi puig di ug ndam tuhan de Nungug Sion! Ma jipri haninyai ba, jibinyen au. tuhan tin ei mem mikes mun di buhun kin mun dibindei sar di nindig bibor kwei leu nite bei mpia nijjai.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEHEZKIEL 1:27

Ninjek hu kwei piga mpia kei dem kep nok ngkimom-tembaga di ikwen ba, jet ei humti. Lene nibehei mu kwei bon nipigati di piga kei.

YEHEZKIEL 13:11

Nabi nitrowai jen e, ngug tig dima milus bingwig. Dibindei ba, biget but mbras ba, hou sigau kin biget di mbras nok tig njep cem micut bihwen ngug tig dima,

YEHEZKIEL 13:13

tuhan Di Ninyeng Jei Bibor pai “Midiba Ditde nigga biborti bikes hou sigau kin biget sigau kin biget di mbras nok tig njep kwei ba, dibihwen ngug tig dima bitimek hak.

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

YEHEZKIEL 8:2

Ditou kep kui bidingat mun di dem kep tungwatu. Hon nintig bou bijuk dem kep nok hum njeng. Lene hon nintig bou bikui piga mpia bidem kep ngkimom-tembaga di idip bisieng-siau kei.

ZAKHARIA 6:6

Kroba pran di kuda nimmun nya ikri mbut ndam nite bei mpia nijjai biyuug ei Babel. Kuda nitiei nya imbut ndam nite bei mpia nicutti lene kuda di nillikti nya imbut ndam minu di jo nite bei mpia nibiho.”

IBRANI 12:29

Lewo ide Allah dem kep hum di cig-cai di bindei timek mun nyeng hagom.

NINGAT-HI-NGAT NYA 1:15

Nimig cem mbom kei dem kep ngkimom-tembaga di indig kep hum bibindei ba, pimbai kei. Nihyet dem kep minyei ninyei ba, nisu bong nindig bibor.